აბრამიძე

აბრამიძე (XIX ს.) იყო მსახიობი-კომიკოსი. 1850 წელს გიორგი ერისთავის მიერ განახლებული ქართული თეატრის დასის წევრი. შეუდარებლად ასრულებდა ვაჭარ-მევახშეთა როლებს. უფრო წარმატებით, ივანე კერესელიძის  ხელმძღვანელობა-რეჟისორობის დროს (რეცენზენტ-მწერლის, ივანე ევლახიშვილის სიტყვით, მიკირტუმ გასპარიჩის სახასიათო როლს ასრულებდა "ისეთი ცოდნით, ისე ბუნებრივად, რომ მისი თამაში სრულქმნილებამდე აღწევს: ყოველი მოძრაობა, ყოველი გრიმასა, სიარული, მოსწრებული სიტყვა  გაუთავებელ სიცილს იწვევს, რაც გულში სევდიან შთაბეჭდილებას სტოვებს"). ივანე კერესელიძის სიტყვით: "აბრამიძე იყო შესანიშნავი კომიკი, რომელიც გამოვიდოდა თუ არა სცენაზე, ჯერ ხმაც არ ამოეღო, რომ ხალხი სიცილს დაიწყებდა". დაწერა პიესა: "რას უსმენ ქალიშვილს მათოს".

წყარო: ქართველ მოღვაწეთა ლექსიკონი:1801-1952: ტ.I .-თბ.,2018.-გვ.56