აკაკი ჯაველიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი 1962 წელს.

1962 წელს შრომითი საქმიანობა დაიწყო თბილისის სახელმწიფო საავტომობილო გზების საპროექტო-საძიებო ინსტიტუტ "თბილსახავტოგზაპროექტში"; გაიარა ყველა სამსახურებრივი საფეხური, რიგითი ინჟინრიდან ინსტიტუტის დირექტორამდე; იყო მრავალი ხიდისა და ხელოვნური ნაგებობების (საავტომობილო გზაზე) პროექტის ავტორი და მთავარი ინჟინერი, მათ შორის მდინარე მტკვრის გასწვრივი ესტაკადისა ზაჰესთან, ლოჭინისა და წიწამურის ხევებზე აგებული ესტაკადებისა, ერთ-ერთი დიდი სამდინარო ხიდისა (500 მ-მდე) საქართველოში (ჭოროხზე, ქ. ბათუმთან), დიდი და საშუალო სამდინარო ხიდებისა ნარინსა და ნიულჩაზე (ყირგიზეთში), ავღანეთის საზღვრის გასწვრივი ხიდებისა, მაღალმთიან ავტოგზაზე (ტაჯიკეთში) და სხვა; მივლინებული იყო ავღანეთსა და კუბაში, საგზაო ნაგებობების დაპროექტებასა და კადრების მომზადებაში ტექნიკური დახმარების აღმოჩენის მიზნით; მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.734; წიგნი ღირსებისა: ტ. 5 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.35

• 2000 - ღირსების ორდენი