თამაზ ჯამასპიშვილი

დაბადების ადგილი: ქ. თბილისი.

დაამტავრა საქართველოს პოლიტექნიკური ინსტიტუტის სამშენებლო ფაკულტეტი 1968 წელს.

1963-1968წწ. მუშაობდა საქართველოს მშენებლობის სამინისტროს სამშენებლო გაერთიანება "მთავართბილმშენის" N9 სამშენებლო სამმართველოში; 1968-1970წწ. საქართველოს სასოფლო მშენებლობის სამინისტროს ტრესტ "ორგტექმშენში" ინჟინრად, უფროს ინჟინრად; 1970-1972წწ. მსახურობდა საბჭოთ არმიის რიგებში სასაზღვრო ნაწილის სამშენებლო ბატალიონის უბნის უფროსად; 1973-1974წწ. იყო საქართველოს მშენებლობის სამინისტროს სამშენებლო გაერთიანება "თბილქალაქმშენის" N14 სამშენებლო ტრესტის N9 სამშენებლო სამმართველოს სამუშაოთა მწარმოებელი; 1974-1987წწ. ამავე ტრესტის N3 სამშენებლო სამმართველოს მთავარი ინჟინერი, სამმართველოს უფროსი; 1987-1997წწ. N4 სამშენებლო სამმართველოს უფროსი; 1997 წლიდან შპს "ძველი თბილისის" დირექტორია; მონაწილეობდა გლდანის მასივის, გლდანულას, ვაზისუბნის, ვარკეთილის, დიდი დიღმისა და თბილისის სხვა მ/რაიონების მშენებლობაში; აგებული აქვს თბილისის N1 და N2 სტომატოლოგიური პოლიკლინიკები (ლესელიძის ქუჩასა და მეტროსადგურ "დელისთან"), აქტიურად იყო ჩართული ძველი თბილისის, მათ შორის, აბანოთუბნის, სარეკონსტრუქციო-სარესტავრაციო სამუშაოების შესრულებაში.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.735