თეიმურაზ ჯანაშია

დაბადების ადგილი: ქ. ზუგდიდი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1974 წელს; თბილისის ივ. ჯავახიშვილის სახელობის სახელმწიფო უნივერსიტეტის მექანიკა-მათემატიკის ფაკულტეტი 1981 წელს; საქართველოს პოლიტექნიკური ინსტიტუტის ასპირანტურა 1982 წელს.

1974-1976წწ. მუშაობდა ქ. თბილისის სახელმწიფო საპროექტო ინსტიტუტ "საქქალაქმშენსახპროექტის" ინჟინერ-კონსტრუქტორად; 1976-1985წწ. თბილისის ზონალურ ს/კ, ტიპური და ექსპერიმენტული პროექტირების ინსტიტუტის ("თბილზნიიეპი") მეცნიერ თანამშრომლად; 1985-1988წწ. იყო საქართველოს კომპარტიის თბილისის საქალაქო კომიტეტის მშენებლობის განყოფილების ინსტრუქტორი, საქართველოს მშენებლობის სამინისტროს სამშენებლო-საწარმოო გაერთიანება "თბილქალაქმშენის" მთავარი ინჟინჟინერი, უფროსი, ინჟინერი, უფროსი, შემდეგ კომპანია "თბილქალაქმშენის" პრეზიდენტი; სს "თბილქალაქმშენის" სამეთვალყურეო საბჭოს თავმჯდომარე; იყო თბილისის საკრებულოს წევრი და დარგობრივი კომიტეტის თავმჯდომარე; 1999-2004წწ. საქართველოს მე-5 მოწვევის პარლამენტის წევრი, საარჩევნო ბლოკი: "საქართველოს აღორძინება", საარჩევნო ფორმა: პარტიული სიით. მნიშვნელოვანი წვლილი აქვს შეტანილი თბილისის განაშენიანების საქმეში; ხელმძღვანელობდა ვარკეთილის, ვაზისუბნის, დიდი დიღმის, გლდანის საცხოვრებელი მასივების განაშენიანებას; მონაწილეობდა რუსეთის ფედერაციის ტიუმენის ოლქში საცხოვრებელი სახლების მშენებლობაში; ჩერნობილის ატომური სადგურის ავარიისა და საჩხერის რაიონში მიწისძვრის შედეგად დაზარალებული საცხოვრებელი სახლების აღდგენა-მშენებლობაში; მიღებული აქვს სსრკ მინისტრთა საბჭოს პრემია.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.737; საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ. 418; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.268

• საქართველოს მე-5 მოწვევის პარლამენტი, წევრი
• საქართველოს მე-5 მოწვევის პარლამენტის ადამიანის უფლებათა დაცვის, მოქალაქეთა პეტიციებისა და სამოქალაქო საზოგადოების მშენებლობის კომიტეტი (2002-2002)
• საქართველოს მე-5 მოწვევის პარლამენტის დარგობრივი ეკონომიკის კომიტეტი, წევრი (1999-2002)
• საქართველოს მე-5 მოწვევის პარლამენტის ფრაქცია "სოციალისტი", წევრი (1999-2003)
• საქართველოს მე-5 მოწვევის პარლამენტისეკონომიკური პოლიტიკის კომიტეტი, წევრი (2002-2004)
• საქართველოს მშენებელთა ფედერაცია, თავმჯდომარე

• 1998 - ღირსების მედალი
  სამშენებლო სფეროში მიღწეული წარმატებისთვის, მსხვილი ობიექტების მშენებლობაში შეტანილი დიდი წვლილისა და შენობა-ნაგებობების აღდგენა-რესტავრაციის დროს გამოჩენილი მაღალი პროფესიონალიზმისათვის
• 1991 - საქართველოს სახელმწიფო პრემია