შოთა ჯანელიძე

დაბადების ადგილი: სოფელი სადმელი, ამბროლაურის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1941 წელს.

1941-1952წწ. მუშაობდა სამთო-მომპოვებელ ტრესტ "ტყიბულნახშირისა" და სამშენებლო ტრესტ "თბილმშენის" სამშენებლო სამმართველოებში სამუშაოთა მწარმოებლად, უბნის უფროსად; 1952-1961წწ. საქართველოს ხე-ტყისა და ქაღალდის მრეწველობის სამინისტროს თბილისის სამშენებლო სამმართველოს უფროსად; 1961-1971წწ. იყო საქართველოს მშენებლობის სამინისტროს სამშენებლო გაერთიანება "მთავართბილმშენის" N7 სამშენებლო სამმართველოს უფროსი, იმავე სამინისტროს N10 სამშენებლო ტრესტ "მაღლივმშენის" N1 სამშენებლო სამმართველოს უფროსი; 1971-1980წწ. საქართველოს ხე-ტყისა და ხის დამამუშავებელი მრეწველობის სამინისტროს სპეციალიზებული სამშენებლო-სამონტაჟო სამმართველოს უფროსი; 1980-1985წწ. მუშაობდა საქართველოს სასოფლო მშენებლობის სამინისტროს მარნეულის სახლსაშენი კომბინატის დირექტორად; 1985-1995წწ. საწარმოო გაერთიანება "საქტრანსგაზის" სამშენებლო-სამრეწველო სამმართველოს უფროსად; მონაწილეობდა თბილისის საავეჯო კომბინატ "განთიადისა" და გრეხილის ავეჯის კომბინატის მშენებლობასა და საექსპლუატაციოდ გაშვებაში; ხელმძღვანელობდა კოჯრის სკოლა-ინტერნატის, თბილისის ტელეცენტრის პირველი რიგის, საცხოვრებელი სახლების (ვარაზისხევში), სამოცბინიანი საცხოვრებელი სახლის (ტაშკენტში), სასტუმროების - "ივერიისა" და "აჭარის" (კარკასის), თბილისის N3 საავეჯო ფაბრიკის, თბილისის სარკისა და რკინის კარკასის ქარხნების, ლამინირებული დილების საამქროს, სანატორიუმის (წყალტუბოში) მშენებლობას; იყო სსრკ მინისტრთა საბჭოს პრემიის ლაურეატი.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.741

• შრომის წითელი დროშის ორდენი
• საქართველოს დამსახურებული ინჟინერი