სოლომონ დოლიძე

დაბადების ადგილი: ქ. ოზურგეთი.

მიიღო საშუალო განათლება. მუშაობდა ამიერკავკასიის რკინიგზაში მემანქანედ. იყო სოციალ-დემოკრატიული პარტიის მენშევიკური ჯგუფის წევრი. 1918 წელს სოციალ-დემოკრატიული პარტიის სიით გახდა საქართველოს დემოკრატიული რესპუბლიკის ეროვნული საბჭოს წევრი. გაწევრიანებული იყო პარლამენტის სოციალ-დემოკრატიულ ფრაქციაში. იყო პარლამენტის ჯანმრთელობის კომისიის წევრი. 1919 წლის თებერვალში დამფუძნებელი კრების არჩევნებზე კენჭს იყრიდა საქართველოს სოციალ-დემოკრატიული მუშათა პარტიის საარჩევნო სიით, თუმცა მანდატი ვერ მოიპოვა. საკანდიდატო სიაში 127-ე ნომერი იყო. დამოუკიდებლობის პერიოდში აქტიურად იყო ჩართული ფრონტის დამხმარე კომიტეტის საქმიანობაში.

წყარო: საქართველოს დემოკრატიული რესპუბლიკა (1918-1921): ენციკლოპედია -ლექსიკონი. -თბ., 2018.-გვ.129

• საქართველოს დემოკრატიული რესპუბლიკის ეროვნული საბჭო (პარლამენტი), წევრი (1918-)
• საქართველოს სოციალ-დემოკრატიული პარტია, წევრი