ვიქტორ ჯაფარიძე

დაბადების ადგილი: სოფელი ხრეითი, ჭიათურის რაიონი.

დაამთავრა თბილისის სამთო ტექნიკუმი 1953 წელს; საქართველოს პოლიტექნიკური ინსტიტუტის სამთო-გეოლოგიური ფაკულტეტი 1960 წელს.

1960-1962წწ. მუშაობდა საპროექტო ინსტიტუტების "საქგიპროშახტისა" და 1962-1964წწ. "სოიუზდორპროექტის" თბილისის ფილიალის საინჟინრო-გეოლოგიურ განყოფილებაში, თბილისის საქალაქო საბჭოს აღმასკომის კაპიტალური მშენებლობის სამმართველოს მთავარ ინჟინრად; 1964 წლიდან საქართველოს პოლიტექნიკური ინსტიტუტის (ამჟამად ტექნიკური უნივერსიტეტის) გრუნტების მექანიკისა და ფუძე-საძირკვლების კათედრის გამგის მოადგილე იყო; ავტორია მრავალსართულიანი საცხოვრებელი სახლების გასწორება-გამაგრების, მობინადრეთა გამოსახლების გარეშე, ახალი მათოდის, რომელიც დაინერგა ქ. თბილისში, ქ. სოჭში და ქ. ვარშავაში; ტექნიკის მეცნიერებათა დოქტორი (1989); გამოქვეყნებული აქვს 74 სამეცნიერო ნაშრომი, მათ შორის 10 მონოგრაფია და 6 სახელმძღვანელო.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.743

• საქართველოს საინჟინრო აკადემია, აკადემიკოსი

• აღმოსავლეთ საქართველოს თაბაშირშემცველი ლიოსისებრი გრუნტების გამაგრებისა და შემკვრივების ძირითადი მეთოდები : სახელმძღვ. პოლიტექნ. ინ-ტის სტუდ. (ავტორი). - თბილისი, განათლება, 1987. - 170გვ.
• საქართველოს თაბაშირშემცველი ლიოსისებრი გრუნტები და მათი ქიმიური გამაგრების ძირითადი მეთოდები (ავტორი). - თბილისი, თბილ.უნ-ტის გამ-ბა, 1986. - 143გვ.
• სამრეწველო და სამოქალაქო მშენებლობის საფუძვლები : სახელმძღვ. პოლიტექნ. ინ-ტის სტუდენტებისათვის (თანაავტორი). - თბილისი, განათლება, 1969. - 304გვ.