ნოდარ ჯახუტაშვილი

დაბადების ადგილი: სოფელი დვაბზუ, ოზურგეთის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი თბომომარაგებისა და ვენტილაციის სპეციალობით 1953 წელს.

მუშაობდა საქართველოს მინისტრთა საბჭოსთან არსებული სპეციალური და სამონტაჟო სამუშაოების მთავარი სამმართველოს "საქმთავარმონტაჟსპეცმშენის" სამონტაჟო ტრესტ "საქსანტექმონტაჟში" მთავარ ინჟინრად, თბილისის სამონტაჟო სამმართველო "სანტექმონტაჟის" უფროსად, სანტექნაკეთობათა ქარხნის მთავარ ინჟინრად, დირექტორად; მონაწილეობდა რუსთავის მეტალურგიული, აზოტის, ბათუმის ნავთობგადამამუშავებელი, ზესტაფონის ფეროშენადნობთა ქარხნების, ჭიათურის მარგანეცისა და გორის ბამბეულის კომბინატების, თბილისის რესპუბლიკური საავადმყოფოს, სპორტის სასახლის, კიბერნეტიკის ინსტიტუტის, გაერთიანება "მიონის", აბრეშუმის საქსოვი ფაბრიკის, სამრეწველო ბაზების და სხვა ობიექტების სანტექნიკური სამონტაჟო სამუშაოების შესრულებაში; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.747

• საქართველოს დამსახურებული ინჟინერი