გრიგოლ ჯიბუტი

დაამთავრა საქართველოს პოლიტექნიკური ინსტიტუტის სამშენებლო ფაკულტეტი.

შრომითი საქმიანობა დაიწყო თბილისის ტრამვაი-ტროლეიბუსის სამმართველოში ინჟინრად; მუშაობდა საქართველოს მშენებლობის სამინისტროს N4 და N7 სამშენებლო ტრესტების სხვადასხვა ხელმძღვანელ თანამდებობებზე, აფხაზეთში სამშენებლო უბნისა და სამმართველოს უფროსად; 1955-1958წწ. იყო საქართველოს მშენებლობის სამინისტროს განყოფილების გამგე, მშენებლობის მინისტრის მოადგილე; მუშაობდა საქართველოს მშენებლობის სამინისტროს სამშენებლო გაერთიანება "მთავართბილმშენის" N15 სამშენებლო ტრესტის მმართველის მოადგილედ; ხელმძღვანელობდა სოხუმის ცნობილი ფუნიკულიორის, მ. გორკის სახელობის სოხუმის სახელმწიფო უნივერსიტეტის ახალი შენობის, სოხუმის სახელმწიფო დრამატული თეატრის შენობის, საკავშირო და რესპუბლიკური ტურისტული ბაზების, დასასვენებელი სახლების, რკინაბეტონის კონსტრუქციების ქარხნის, სახლსაშენი კომბინატის, საცხოვრებელი სახლებისა და ინფრასტრუქტურის ობიექტების მშენებლობას თბილისში; მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.749

• მედალი "შრომითი მამაცობისთვის"
• საპატიო ნიშნის ორდენი