სოლომონ ალანია

დაბადების ადგილი: ზუგდიდის მაზრა.

1905 წლის მიწურულს, გლეხთა მრავალრიცხოვან მიტინგებზე ხშირად ლაპარაკობდა, რომ არსებული წყობილება უნდა მოისპოს, მთავრობა დაემხოს, გლეხებმა შეწყვიტონ სახელმწიფო გადასახადების გადახდა და ჯარში წასვლა, სახელმწიფო განაგოს ყველა მოქალაქის მიერ არჩეულმა პრეზიდენტმა, მიწა მიწის მუშებს დაუბრუნდეს (რადგან მიწა უსამართლოდ მიეკუთვნათ მემამულეებს) და სხვ. ყველა ამის შესასრულებლად, შეიარაღებულ აჯანყებას თვლიდა. "ზუგდიდის რესპუბლიკის" საქმისათვის 1907 წელს პასუხისგებაში მისცეს. სასამართლო პალატამ 1908 წლის 12-16 სექტემბერს ციმბირში გადასახლება მიუსაჯა. გაიგზავნა ვერხოლენსკის მაზრაში, სოფელ მანზურკაში. გარდაიცვალა იქვე. რევოლუციონერი, პროპაგანდისტ-აგიტატორი, სოციალ-დემოკრატიული ორგანიზაციის წევრი, რევოლუციური მოძრაობის აქტიური წევრი.

წყარო: ქართველ მოღვაწეთა ლექსიკონი:1801-1952: ტ.I .-თბ.,2018.-გვ.102