ნიკოლოზ იაშვილი

დაბადების ადგილი: ქ. თბილისი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ბიოლოგიის ფაკულტეტი 1959 წელს, ხოლო, 1975 წელს - ამავე უნივერსიტეტის ეკონომიკის ფაკულტეტი.

1959-1991 წლებში იყო საქართველოს ნიადაგმცოდნეობის სამეცნიერო-კვლევითი ინსტიტუტის ასპირანტი, ლაბორანტი, უმცროსი მეცნიერი თანამშრომელი, უფროსი მეცნიერი თანამშრომელი, სექტორის გამგე, 1976-1991 წლებში - მ. საბაშვილის სახელობის ნიადაგმცოდნეობის, აგროქიმიისა და მელიორაციის სამეცნიერო-კვლევითი ინსტიტუტის დირექტორის მოადგილე სამეცნიერო მუშაობის დარგში, 1991 წელს - საქართველოს რესპუბლიკის სოფლისა და სატყეო მეურნეობის მინისტრი, 1991-1996 წლებში - კონცერნ "საქართველოს" ვიცე-პრეზიდენტი, 1996-2002 წლებში - საქართელოს პარლამენტის აგრარულ საკითხთა კომიტეტის უფროსი და წამყვანი სპეციალისტი, 2002-2005 წლებში - საქართველოს მეცნიერებათა აკადემიის პრეზიდიუმთან არსებული საწარმოო ძალებისა და ბუნებრივი რესურსების შემსწავლელი კომისიის განყოფილების გამგე. გეოგრაფიის მეცნიერებათა კანდიდატი, სოფლის მეურნეობის მეცნიერებათა დოქტორი. მიღებული აქვს აკადემიკოს თეოფანე დავითაიას სახელობის პრემია (1983).

 წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.142; საქართველო: ენციკლოპედია: ტ. IV. -თბ., 2018. -გვ.176-177

• 2002 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  საბუნებისმეტყველო მეცნიერებათა დარგში 1970-1999 წლებში გამოქვეყნებულ შრომათა ციკლისათვის - "საქართველოს ნიადაგების კვლევა"
• 2001 - ღირსების ორდენი
• 1986 - საპატიო ნიშნის ორდენი

• ტექნოგენური ლანდშაფტების რეკულტივაცია (ავტორი). - თბილისი, ცოდნა, 2004. - 95გვ.
• სვანეთის ნიადაგები (ავტორი). - თბილისი, საბჭ. საქართველო, 1987. - 226გვ.
• მიწის რესურსები და მათი რაციონალური გამოყენება (ავტორი). - თბილისი, საბჭ. საქართველო, 1976. - 105გვ.