კლარა ელჩიბეგაშვილი

დაბადების ადგილი: სოფელ ოსიაური, ხაშურის რაიონი. 
დაამთავრა ივანე ჯავახიშვილის სახელობის თბილისის სახელმწიფო უნივერსიტეტი, ფილოსოფიის სპეციალობით 1970 წელს და მიენიჭა ფილოსოფოსის, ფილოსოფიისა და საზოგადოებათმცოდნეობის მასწავლებლის კვალიფიკაცია; სწავლა გააგრძელა ამავე უნივერსიტეტის ასპირანტურაში. 
1968 წლიდან მუშაობდა ნიკოლოზ ბარათაშვილის სახელობის გორის სახელმწიფო პედაგოგიურ ინსტიტუტში ჯერ უფროს მასწავლებლად, შემდეგ - დოცენტად; მრავალი წლის განმავლობაში იყო ამავე ინსტიტუტის პრორექტორი სამეცნიერო დარგში; პარალელურად იკავებდა ფილოსოფიის კათედრის გამგის თანამდებობას; არის ორი მონოგრაფიისა და 21 სამეცნიერო შრომის ავტორი; 2004-2005წწ. იყო გორის სახელმწიფო უნივერსიტეტის პრორექტორი (პირველი პირის ხელმოწერის უფლებით), 2005-2006წწ. ასრულებდა რექტორის მოვალეობას; 2005-2007წწ. გორის უნივერსიტეტის რექტორი; დაჯილდოებულია არაერთი საპატიო სიგელით გორის უნივერსიტეტის წინაშე დამსახურებისათვის. პროფესორი.

დაიცვა საკანდიდატო დისერტაცია თემაზე: "ნიკო ნიკოლაძის ფილოსოფიურ-ესთეტიკური შეხედულებანი" 1978 წელს. 1992 წელს მიენიჭა დოცენტის სამეცნიერო წოდება ფილოსოფიის დარგში.

წყარო: გორის სახელმწიფო სასწავლო უნივერსიტეტი: gu.edu.ge; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.249; ხაშურის მუნიციპალიტეტის საკრებულო: facebook.com

• 2016 - საპატიო ხაშურელის წოდება
• 1999 - ღირსების ორდენი
  სტუდენტი ახალგაზრდობის აღზრდა-განათლებაში შეტანილი პირადი დიდი წვლილის, ნაყოფიერი სამეცნიერო - პედაგოგიური და საზოგადოებრივი მოღვაწეობისათვის
• იაკობ გოგებაშვილის სახელობის მედალი

• ნიკო ნიკოლაძის სოციალურ-პოლიტიკური და ესთეტიკური შეხედულებები (ავტორი). - თბილისი, ლამპარი, 2006. - 65გვ.
• ეს მხოლოდ შენთვის : ლექსები (ავტორი). - გორი, ქართლი, 1998. - 41გვ.