ერემო ქარელიშვილი

დაბადების ადგილი: დაბა ქარელი.

მისი პირველი პუბლიცისტური წერილები პერიოდიკაში 1927 წელს გამოქვეყნდა; წლების მანძილზე მუშაობდა გაზეთ "ახალგაზრდა კომუნისტის" განყოფილების გამგედ და მთავარი რედაქტორის მოადგილედ, გურჯაანის საშუალო სკოლის დირექტორად, ჟურნალ "ჩვენი თაობის" განყოფილების გამგედ; ჟურნალ "მნათობის" პასუხისმგებელ მდივნად, საბლიტგამის მთავარ რედაქტორად, გაზეთ "ლიტერატურული საქართველოს" პასუხისმგებელ მდივნად, ალმანახ "თეატრალური საზოგადოების სარედაქციო-საგამომცემლო განყოფილების გამგედ; სისტემატურად იბეჭდებოდა სალიტერატურო ჟურნალ-გაზეთებში, გამოდიოდა ცალკე წიგნებად; მან საფუძვლიანად შეისწავლა და გააანალიზა მე-19 საუკუნის ქართული ლიტერატურის კლასიკოსთა ცხოვრება და შემოქმედება, საინტერესო წერილები და მონოგრაფია უძღვანა ნიკოლოზ ბარათაშვილს, ილია ჭავჭავაძეს, აკაკი წერეთელს, ალექსანდრე ყაზბეგს, ნიკო ლომოურს, ეკატერინე გაბაშვილს, იროდიონ ევდოშვილს, შიო მღვიმელს და სხვ.; ცნობილია მისი ვრცელი ლიტერატურულ-კრიტიკული სტატიები ქართული მწერლობის ისეთი გამოჩენილ წარმომადგენლებზე, როგორებიც არიან მიხეილ ჯავახიშვილი, ნიკო ლორთქიფანიძე, ლეო ქიაჩელი, იოსებ გრიშაშვილი, გალაკტიონ ტაბიძე.

წყარო: ქართველ მოღვაწეთა ლექსიკონი. ტ. 1, ა - დ / იოსებ იმედაშვილი.-თბ., 2018.-გვ.224; ერემია ქარელიშვილი : მწერალი და კრიტიკოსი, 1908-1994 : ნეკროლოგი // ლიტერატურული საქართველო.-თბილისი, 1994.-16-23 დეკემბერი.-N 49.-გვ. 16 

• უკვდავი სიცოცხლე : შიო მღვიმელის ცხოვრება და შემოქმედება (ავტორი). - თბილისი, ნაკადული, 1960. - 181გვ.
• ნიკო ლომოური : ცხოვრება და შემოქმედება (ავტორი). - თბილისი, საბლიტგამი, 1948. - 220გვ..
• განაკვეთი N 5,6,7,8,9 ქართულ ლიტერატურაში (ავტორი). - თბილისი, 1940. - 68გვ.
• ქართული ლიტერატურა : განაკვეთი N 1,2,3,4 მოზრდილთა დაუსწრ. საშ. სკოლის მე-10 კლასისათვის (ავტორი). - თბილისი, 1940. - 88გვ.