მერაბ ქიძინიძე

დაბადების ადგილი: ქ. ბათუმი.

დაამთავრა საქართველოს პოლიტექნიკური ინსტიტუტის  სამრეწველო  და  სამოქალაქო მშენებლობის ფაკულტეტი 1982 წელს.

1982-1983წწ. ბათუმის სახლსაშენი კომბინატის საყალიბო საამქროს ოსტატი; 1983-1985წწ. ახალგაზრდული  ორგანიზაციის ხელმძღვანელი; 1985-1986წწ. აჭარის ავტონომიური რესპუბლიკის მინისტრთა საბჭოს მშენებლობისა და საქალაქო მეურნეობის განყოფილების უფროსი რეფერენტი; 1987-1990წწ. ქ. ბათუმის სახალხო დეპუტატთა საქალაქო საბჭოს წევრი; 1991-1992წწ. აჭარის ავტონომიური რესპუბლიკის უზენაესი საბჭოს ორგანიზატორი; 1992-1993წწ. აჭარის ავტონომიური რესპუბლიკის უზენაესი საბჭოს კონტროლის განყოფილების მთავარი სპეციალისტი; 1993-1996წწ. აჭარის  ავტონომიური რესპუბლიკის უზენაესი საბჭოს თავმჯდომარესთან არსებული საკოორდინაციო  ეკონომიკური საბჭოს პროექტებისა და წინადადებების ექსპერტიზის ჯგუფის ხელმძღვანელი; 1997-1998წწ. "კასპიან  ტრანს" საერთაშორისო კომპანიის ნავთობის გადაზიდვებისა და გადატვირთვის მენეჯერი; 2000 წლიდან საქართველოს ნავთობის საერთაშორისო კომპანიის "ბაქო–თბილისი–ჯეიჰანის" პროექტის ექსპერტი; 2004 წლიდან წინააღმდეგობრივი მოძრაობა "დემოკრატიული აჭარა"-ს დამფუძნებელი და ხელმძღვანელი, აჭარის ავტონომიური რესპუბლიკის დროებითი საპრეზიდენტო საბჭოს წევრი; 2004-2008წწ. აჭარის ავტონომიური რესპუბლიკის უმაღლესი საბჭოს საფინანსო-საბიუჯეტო და ეკონომიკურ საკითხთა კომიტეტის თავმჯდომარე; 2009-2010წწ. აჭარის  ავტონომიური  რესპუბლიკის უმაღლესი საბჭოს თავმჯდომარესთან არსებული სამეცნიერო–საკონსულტაციო საბჭოს წევრი; 2010-2012წწ. აჭარის ავტონომიური რესპუბლიკის უმაღლესი საბჭოს თავმჯდომარესთან არსებული სამეცნიერო–საკონსულტაციო საბჭოს თავმჯდომარე; 2013 წლიდან ქ. ბათუმის მუნიციპალიტეტის მერის ადმინისტრაციის უფროსი. საქართველოს სამგზის ჩემპიონი ბაიდარით ნიჩბოსნობაში. 

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.469; batumi.ge

• აჭარის ავტონომიური რესპუბლიკის უმაღლესი საბჭო, წევრი
• საქართველო - ბრანდენბუგის საზოგადოება, დამფუძნებელი და თავმჯდომარე (2006-2013)