არჩილ ქუთათელაძე

დაბადების ადგილი: ქ. ხონი.

დაამთავრა საქართველოს ინდუსტრიული ინსტიტუტის სამთო ფაკულტეტი 1948 წელს.

ინსტიტუტის დამთავრების შემდეგ შრომა ჭიათურის მაღაროებზე დაიწყო; მეორე მსოფლიო ომის დამთავრების შემდეგ მუშაობა განაგრძო საქართველოს პოლიტექნიკური ინსტიტუტის სამთო-გეოლოგიურ ფაკულტეტზე ასისტენტის თანამდებობიდან სამთო მანქანების, მაღაროს სტაციონარული დანადგარებისა და ტრანსპორტის კათედრის სრული პროფესორის თანამდებობამდე. ა. ქუთათელაძე მრავალი სამეცნიერო ნაშრომის, გამოგონებისა და რამდენიმე ორიგინალური სახელმძღვანელოს ავტორია, რომლებიც პირველად გამოიცა ქართულ ენაზე. იყო სამეცნიერო და სადისერტაციო საბჭოების წევრი, "სამთო ჟურნალის" სარედაქციო კოლეგიის წევრი და ა.შ. მიღებული აქვს სახელმწიფო ჯილდოები და მედლები. ტექნიკის მეცნიერებათა დოქტორი, პროფესორი (1980). სამთო ინჟინერი, საზოგადო მოღვაწე.

სადოქტორო დისერტაციის თემა - "მაღაროს ტურბოკომპრესორების მუშაობის არამდგრადი პროცესების კვლევა და მათი თავიდან აცილების საშუალებები", დაიცვა 1989 წელს სვერდლოვსკის (რუსეთი) სამთო ინსტიტუტში.

წყარო: სამთო ჟურნალი.-თბ., 2010.-N2(25).- გვ.88 

• საქართველოს ეროვნული აკადემია, ნამდვილი წევრი

• მაღაროს პნევმატური დანადგარები : სახელმძღვ. პოლიტექნ. ინ-ტის სამთო სპეც. სტუდენტებისათვის (ავტორი). - თბილისი, განათლება, 1972. - 319გვ.
• შახტის სავენტილატორო და წყალსაქცევი დანადგარების შერჩევა და გაანგარიშება : დამხმ. სახელმძღვ. პოლიტექნ. ინ-ტის სტუდენტებისათვის (ავტორი). - თბილისი, თბილ. უნ-ტის გამ-ბა, 1969. - 151გვ.
• მაღაროს პნევმატური დანადგარების დაპროექტება : დამხმარე სახელმძღვ. პოლიტექნ. ინ-ტის სტუდენტებისათვის (ავტორი). - თბილისი, განათლება, 1966. - 170გვ.