ანტონ აღუშაშვილი

აღიზარდა ახალციხელ სომეხ კათოლიკეთა გავლენით. სწავლა კონსტანტინოპოლში მიიღო, იქვე ეკურთხა მღვდლად.  მსახურობდა კონსტანტინოპოლში, ართვინში, ახალციხის მაზრის სოფლებში, ქუთაისსა და გორში. 1826 წელს სომეხი სამღვდელოების წყალობით ოსმალთა მთავრობის მიერ დევნილ მოძღვართა შორის ანტონ აღუშაშვილიც ჩავარდა ტყვედ, რადგან ძალას ატანდნენ-გრიგორიანობას დაუკავშირდიო. ქართული მწიგნობრობის მოყვარული იყო, თუმცა სომეხი სამღვდელოების გავლენით აღიზარდა, თავის ვინაობას არ კარგავდა. სომხურიდან ქართულად თარგმნა "ლოცვები დღიურად" ნერსეს სომეხთა კათალიკოსისა, "ლოცვები დღიურად" (ვრცელი წიგნი) და სხვ. თავისი დროის შესანიშნავ მოძღვრად ითვლებოდა. ქართველი კათოლიკე, მწიგნობარ-მოძღვარი.

წყარო: ქართველ მოღვაწეთა ლექსიკონი:1801-1952: ტ.I .-თბ.,2018.-გვ.239