სანდრო ბაჯიაშვილი

1887 წლიდან მუშაობდა ბოზარჯიანცის თამბაქოს ქარხანაში. პოლიტიკურ მუშაობაში 1896 წლიდან ჩაერთო, აქტიურად მონაწილეობდა გაფიცვებში, იყო საგაფიცვო კომიტეტის თავმჯდომარე. 1901 წელს დააპატიმრეს. 1902 წელს ავლაბრის სახალხო თეატრში სრულიად უფასოდ მუშაობდა მოკარნახედ. 1890-1900-იან წლებში დააარსა არალეგალური ხელნაწერი ჟურნალები: "კოკორი", "ზარი", "სინათლე" და სხვ. პირველად, 1903 წელს "ივერიაში" დაიბეჭდა. იყო კედლის გაზეთის რედაქტორი და გაზეთ "კომუნისტის" მუდმივი კორესპონდენტი. დაწერა და გადმოაკეთა პიესები (ზოგი მათგანი სახალხო სცენაზე იდგმებოდა): "80 ოქრო", "ასლან ბალასი", "დონ-გრიგორიო", "თანამედროვე ცხოვრება", "თომას ბოცარისი", "იანიჩარი", "მათუზას ანდერძი", ლ. მანველიანის "მხატვარი ტაშჩიანი", "ოქტროს მონები", "სიმდიდრის მაძიებელნი", "სიმდიდრის მსხვერპლი", "სიძე-სიდედრი", "უმზეო გაზაფხული", "ყომარბაზის ცხოვრება", "ჩემი სამსახური ხვრინვაა", "ხერონი". მუშა-მწერალი, სცენისმოყვარული, მოკარნახე.

წყარო: ქართველ მოღვაწეთა ლექსიკონი:1801-1952: ტ.I ./იოსებ იმედაშვილი -თბ.,2018.-გვ.342

• 1924 - შრომის გმირი