ახმედ ბოლქვაძე

დაბადების ადგილი: სოფელი ხალა, ქობულეთის რაიონი.

მუშაობდა ჩაქვის ჩაის ფაბრიკაში, ზინგერის კომპანიაში (1912). ქედის რაიონის მოსახლეობაში ავრცელებდა პროკლამაციებს, რის გამოც 1916 წელს ბათუმის ოლქიდან გააძევეს. 1917 წელს აირჩიეს ბათუმის მუშათა, გლეხთა და ჯარისკაცთა დეპუტატად, იყო რევოლუციური მილიციის თანამშრომელი. 1918 წელს მოხალისედ ჩაირიცხა მეორე ქართულ ათასეულში, თურქების მიერ ბათუმის აღების შემდეგ თავი შეაფარა ქუთაისსა და გურიას. 1918 წელს "სამუსლიმანო საქართველოს განმათავისუფლებელი კომიტეტის" ოზურგეთის განყოფილებაში მუშაობდა, შემდეგ ჩაქვში ამავე კომიტეტის მდივანი იყო. აჭარაში მისი თაოსნობით 9 სკოლა გაიხსნა. 1927 წელს გააშენა ახლი სოფელი ღელე, რომლის სკოლასაც საკუთარი სახლი დაუთმო და სკოლას მერხები თვითონ დაუმზადა. რევოლუციონერი, საზოგადო მოღვაწე.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.403