შალვა ბუაჩიძე

დაბადების ადგილი: ქ. ქუთაისი.

დაამთავრა ქუთაისის რეალური სასწავლებელი 1916 წელს; მოსკოვის პეტროვსკო-რაზუმოვსკის სასოფლო-სამეურნეო აკადემია (მხოლოდ ერთი წლის კურსი) და ამიერკავკასიის ინდუსტრიული ინსტიტუტის მეტალურგიული ფაკულტეტი.

1923-1938 წლებში იყო გაზეთ "კომუნისტის"  სასოფლო-სამეურნეო, სამრეწველო, ხელოვნებისა და ლიტერატურის, საინფორმაციო განყოფილებების გამგე და რედაქციის მდივანი. 1938 წელს "კომუნისტის" რედაქციამ საწარმოო პრაქტიკისათვის გაზეთ "პრავდის" რედაქციაში მიავლინა. 1917 წლიდან ქუთაისის გაზეთებში აქვეყნებდა პატარა ნოველებს. მისი მხატვრული ნარკვევები და მიმოხილვები ხელოვნების შესახებ იბეჭდებოდა ჟურნალებში "თეატრი და ცხოვრება", "საბჭოთა ხელოვნება"; გაზეთებში: "კომუნისტი", "მუშა", "Вечерный Тбилиси", "На рубеже Востока", "Заря Востока", "Советское Искусство", "Красная Газета" და სხვ. შალვა ბუაჩიძის რედაქციით და ვრცელი წინასიტყვაობით გამოიცა ი. ზურაბიშვილის წიგნი "ზაქარია ფალიაშვილის ოპერა "აბესალომ და ეთერი" (თბილისი, 1941). გამომცემლობა "განათლების" დირექტორი.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.428

• ბარკალაიტი : გამომგონებლის თავგადასავალი (ავტორი). - ტფილისი, სახელგამის საბ. და ახალგ. სექტორი, 1934. - 39გვ.
• ცხოვრება ინდუსტრიალური (ავტორი). - ტფილისი , სახელგამი, 1932. - 80გვ.