გიორგი ელისაბედაშვილი

დაბადების ადგილი: სოფელი კავთისხევი, გორის მაზრა.

სწავლობდა თბილისის სასულიერო სემინარიაში, სადაც შევიდა მარქსისტულ წრეში და ჩაება რევოლუციურ მოძრაობაში. 1900 წელს სემინარიიდან გარიცხეს. იყო თბილისის მოსწავლეთა ს-დ კომიტეტის წევრი. მონაწილეობდა თბილისსა და ქართლში გამართულ მაისობებში, 1905 წლის დეკემბერში ხარაგაულში მეფის ჯარის ნაწილების განიარაღებაში. რამდენჯერმე დააპატიმრეს. 1911-1917წწ. ემიგრაციაში იყო საფრანგეთში. საქართველოში დაბრუნების შემდეგ აქტიურად იბრძოდა მენშევიკების წინააღმდეგ. 1920 წლის სექტემბერში აზერბაიჯანში გაასახლეს, სადაც 1921 წლის თებერვლამდე მუშაობდა აზერბაიჯანის სსრ შრომის სახალხო კომისრის მოადგილედ. საქართველოში საბჭოთა ხელისუფლების გამარჯვების შემდეგ იყო საქართველოს სსრ რევკომის წევრი; 1921-1923წწ. - მუშგლეხინის სახალხო კომისარი; 1924-1925წწ. - საქართველოს კპ(ბ) თელავის სამაზრო კომიტეტის მდივანი. 1930-1952წწ. სხვადასხვა პასუხსაგებ თანამდებობაზე მუშაობდა. საქართველოს სსრ I-III მოწვევის უმაღლესი საბჭოს დეპუტატი; სკკპ XIX, ამიერკავკასიის V და XIII ყრილობების დელეგატი. მიღებული აქვს სახელმწიფო ჯილდოები. რევოლუციური მოძრაობის მოღვაწე საქართველოში. 

წყარო: ქართული საბჭოთა ენციკლოპედია: ტ.4.-თბ., 1979.-გვ.130; საქართველოს ოკუპაცია: image.slidesharecdn.com; XX საუკუნის საქართველოს შინაგან საქმეთა და უშიშროების მინისტრები /თუშურაშვილი ო., ჯახუა ი. - თბ., 2013. - გვ.97-98

• კომუნისტური პარტია, წევრი (1902-)

• შრომის წითელი დროშის ორდენი