ვასილ კოპტონაშვილი

დაბადების ადგილი: სოფელი კოთელია, ახალქალაქის რაიონი.

დაამთავრა წმინდა ნიკოლოზის სახელობის სამოქალაქო სასწავლებელი 1883 წელს.

1984 წელს მასწავლებლად მუშაობდა თიანეთის მაზრის სოფელ ამტნისხევში; 1889 წლიდან - ახალციხის მაზრის, სოფელ მესხში; სოფ. თოკის, ხერთვისის, ვარევანის "საქველმოქმედო საზოგადოების" და სახალხო სადირექციო სკოლებში; 1918-1922წწ. მანგლისის პროგიმნაზიაში ასწავლიდა ქართულ ენას. ბეჭდავდა წერილებს და მოთხრობებს გაზეთ "კვალში", "მოამბეში", "ცნობის ფურცელში", "ივერიაში", სასულიერო ჟურ-გაზეთებში: "ყენობა" ჯავახეთში, ზღაპარი "ომალ-ხან ჩოფანი" და "აღდგომა დღეს" (სურათი ჯავახელების ცხოვრებიდან), "მგზავრის დღიურიდან" (ქართველი მგზავრი არდაჰანის სანჯახში), "კაკო დიაკვანი" (მოთხრობა), "შენიშვნები ახალციხის მაზრის ხალხის შესახებ" (ეთნოგრაფიული შინაარსისა), "ლეგენდა სოფ. რუსთავის - შოთა რუსთაველის შესახებ" და სხვა.

წყარო: მწერალთა ავტობიოგრაფიები. წ. 1/გიორგი ლეონიძის სახ. ქართ. ლიტ. მუზეუმი. -თბ., 2013. -გვ.71-79