ლუკიანე თაბუკაშვილი

დაბადების ადგილი: სოფელი ფარცხნალი, შორაპნის მაზრა.

ხარაგაულის ორკლასიანი სასწავლებლის დამთავრების შემდეგ მუშაობდა ბორჯომსა და ბაქოში. 1910 წელს მეფის არმიაში გაიწვიეს, მსახურობდა უკრაინაში, დემობილიზაციის შემდეგ იქვე დარჩა სამუშაოდ სამხრეთ-დასავლეთ რკინიგზაზე. იყო სამხედრო რევკომის წევრი. უკრაინის რკინიგზელთა საყოველთაო გაფიცვის (1918 წლის ზაფხული) ერთ-ერთი ხელმძღვანელი. მისი თაოსნობით აიგო ჯავშნოსანი მატარებელი "კოროსტენელი კომუნისტი". შემდეგ იგი ამ მატარებლის მეთაური იყო. დაჯილდოებულია მოოქრული იარაღით. 1919 წლის ივლისში დანიშნეს მე-12 არმიის სამხედრო რევოლუციური საბჭოს რწმუნებულად. 1920 წლის შემოდგომაზე საქართველოში ჩამოვიდა. 1921 წლის 21 თებერვალს მენშევიკებმა დაპატიმრეს და ყვირილის ციხეში ჩასვეს. იმავე წლის 6 მარტს მოკლეს. სამოქალაქო ომის გმირი.

წყარო: ქართული საბჭოთა ენციკლოპედია: ტ.4.-თბ., 1979.-გვ.558

• კომუნისტური პარტია, წევრი (1917-)

• წითელი დროშის ორდენი