ანზორ გოგიტიძე

დაბადების ადგილი: სოფელი გოგინაური, შუახევის რაიონი.

დაამთავრა  ქ. ბათუმის პედაგოგიური ინსტიტუტი 1972 წელს; ქ. მოსკოვის საფინანსო-ეკონომიკური ინსტიტუტი სახალხო მეურნეობის დაგეგმვა-ეკონომიკის სპეციალობით.

1972-1973წწ. შუახევის რაიონის სოფ. გოგინაურის სკოლის მასწავლებელი; 1973-1981წწ. საქართველოს ალკკ შუახევის რაიკომის მდივანი, მეორე მდივანი, აჭარის ალკკ საოლქო კომიტეტის განყოფილების გამგე; 1981-1988წწ. საქართველოს კომპარტიის ბათუმის საქალაქო კომიტეტის ინსტრუქტორი, შუახევის რაიკომის საორგანიზაციო განყოფილების გამგე, აჭარის საოლქო კომიტეტის ინსტრუქტორი, ბათუმის საქალაქო კომიტეტის განყოფილების გამგე; 1988-1991წწ. სახალხო დეპუტატთა ბათუმის საქალაქო საბჭოს აღმასკომის თავმჯდომარის პირველი მოადგილე; 1991-1992წწ. აჭარის ავტ. რესპუბლიკის შრომის, სოციალური დაცვისა და დემოგრაფიის მინისტრი; 1992-1994წწ. აჭარის ავტ. რესპუბლიკის მინისტრთა საბჭოს სრულუფლებიანი წარმომადგენელი შუახევის რაიონში; 1994-1995წწ. შუახევის რაიონის გამგეობის თავმჯდომარე; 1995-1996წწ. აჭარის ავტ.რესპუბლიკის მინისტრთა საბჭოს თავმჯდომარის მოადგილე; 1996-1998წწ. აჭარის ავტ.რესპუბლიკის უზენაესი საბჭოს საბიუჯეტო-საფინანსო კომიტეტის თავმჯდომარე; 1998-1999წწ. აჭარის ავტ. რესპუბლიკის უზენაესი საბჭოს საგადასახადო სახელმწიფო დაპარტამენტის თავმჯდომარე; 1999-2004წწ. საქართველოს მე-5 მოწვევის პარლამენტის წევრი, საარჩევნო ბლოკი: ბლოკი "საქართველოს აღორძინება", საარჩევნო ფორმა: მაჟორიტარული, მაჟორიტარი შუახევის №82 საარჩევნო ოლქიდან; სსიპ-აჭარის სატყეო სააგენტოს უფროსის მოადგილე. არის უმაღლესი სასწავლებლებისათვის განკუთვნილი სახელმძღვანელოს, 132 პუბლიკაციისა და სტატიის ავტორი.

წყარო: საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015/კობა ამირხანაშვილი.- თბ.-2015.-გვ. 128; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.127

• საქართველოს მე-5 მოწვევის პარლამენტი, წევრი (1999-2004)
• საქართველოს მე-5 მოწვევის პარლამენტის გადასახადებისა და შემოსავლების კომიტეტი, წევრი (1999-2002)
• საქართველოს მე-5 მოწვევის პარლამენტის მთიანი რეგიონებისა და განსახლების კომიტეტი, კომიტეტის თავმჯდომარე (2002-2004)
• საქართველოს მე-5 მოწვევის პარლამენტის საპროცედურო საკითხთა და წესების კომიტეტი, წევრი (1999-2000)
• საქართველოს მე-5 მოწვევის პარლამენტის ფრაქცია "ერთიანი საქართველო", ფრაქციის მდივანი (2000-2003)
• საქართველოს მე-5 მოწვევის პარლამენტის ფრაქცია "ერთიანი საქართველო", წევრი (1999-2000)

• 2001 - ვახტანგ გორგასლის III ხარისხის ორდენი
• ღირსების ორდენი

• მონტოლოგია : მთათმცოდნეობა (თანაავტორი). - თბილისი, ინოვაცია, 2004. - 164გვ.. - ISBN: 9992808624