პროკოფი თავდომაძე

დაბადების ადგილი: სოფელი ექადია, ოზურგეთის რაიონი.

დაამთავრა საქართველოს პოლიტექნიკური ინსტიტუტი 1935 წელს.

დაიბადა ღარიბი გლეხის ოჯახში; 1917-1919წწ. სააგიტაციო-პროპაგანდისტულ მუშაობას ეწეოდა ოზურგეთის მაზრის მშრომელებში; 1919 წლიდან რევოლუციური შტაბის წევრი იყო და აქტიურად მონაწილეობდა მენშევიკური მთავრობის წინააღმდეგ გამოსვლებში, რისთვისაც დააპატიმრეს და ჩასვეს ჯერ ოზურგეთის, შემდეგ ბათუმის ციხეში (1921). საქართველოში საბჭოთა ხელისუფლების გამარჯვების შემდეგ, 1921-1922წწ. მუშაობდა პარტიის ოზურგეთის სამაზრო კომიტეტის თავმჯდომარედ; 1922-1923წწ. მსახურობდა კავკასიის არმიის 1-ლ ქართულ ლეგიონში, თბილისში; 1923-1924წწ. მეთაურობდა განსაკუთრებული დანიშნულების ასეულს; 1924-1929წწ. იყო რაჭის მაზრის სამხედრო კომისარი; 1929 წლიდან მუშაობდა სხვადასხვა პასუხსაგებ თანამდებობებზე. მიღებული აქვს სახელმწიფო ჯილდოები. რევოლუციური მოძრაობის მონაწილე საქართველოში. 

წყარო: ქართული საბჭოთა ენციკლოპედია: ტ.4.-თბ., 1979.-გვ.564

• კომუნისტური პარტია, წევრი (1917-)

• საპატიო ნიშნის ორდენი