თამაზ გუგუშვილი

დაბადების ადგილი: ქ. აბაშა.

დაამთავრა  თბილისის სახელმწიფო უნივერსიტეტის გეოგრაფია-გეოლოგიის ფაკულტეტი 1969 წელს. 

1969-1980წწ. საპროექტო ინსტიტუტების  "საქსოფლმშენსახპროექტისა" და  "საქქალაქმშენსახპროექტის" ეკონომისტი, ინჟინერ-ეკონომისტი, უფროსი ინჟინერ-ეკონომისტი, ჯგუფის ხელმძღვანელი, პროექტის მთავარი ინჟინრის და განყოფილების გამგის მოადგილე; 1980-1990წწ.  საქართველოს სახალხო მეურნეობის ეკონომიკის, დაგეგმვისა და მართვის სამეცნიერო-კვლევითი ინსტიტუტის სექტორის გამგე; 1990 წლიდან საქართველოს რესპუბლიკის მეცნიერებათა აკადემიის დემოგრაფიის სოციალურ-ეკონომიკური კვლევის ცენტრის განყოფილების გამგე; 1990-1991წწ. საქართველოს უზენაესი საბჭოს წევრი: საარჩევნო ბლოკი "მრგვალი მაგიდა-თავისუფალი საქართველო" წმინდა ილია მართლის საზოგადოება დემოგრაფიის და განახლების ქვეკომისიის თავმჯდომარე ჰუმანიტარულ და სოცილურ საკითხთა კომისიის წევრი, ხელი აქვს მოწერილი  საქართველოს დამოუკიდებლობის აღდგენის აქტზე (1991 წლის 9 აპრილი); 1991-1992წწ. საქართველოს რესპუბლიკის შრომის სოციალური დაცვისა და დემოგრაფიის მინისტრი; 2001-2005წწ. საქართველოს ლტოლვილთა და განსახლების სამინისტროს მიგრაციის კონტროლის დეპარტამენტის თავმჯდომარე. გეოგრაფიულ მეცნიერებათა დოქტორი, მრავალი სამეცნიერო ნაშრომის მათ შორის მონოგრაფიის ავტორი.

წყარო: საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015/კობა ამირხანაშვილი.- თბ.-2015.-გვ. 137

• საქართველოს რესპუბლიკის პირველი მოწვევის უზენაესი საბჭო, წევრი (1990-1991)