გურამ სანაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოლოგიის ფაკულტეტი 1955 წელს.

უნივერსიტეტის დამთავრების შემდეგ მუშაობას იწყებს "სპეცგეოს" საქართველოს ექსპედიციაში რიგით გეოლოგად; 1956-1960 წწ. მუშაობდა პამირზე, ყიზილ-ყუმში, ყარა-ყუმში, კოპეტ-დაგას მთებში გეოლოგად, გეოლოგიური პარტიის უფროსად; 1960 წლიდან მუშაობდა "საქნავთობში" ნავთობისა და გაზის ძიების კვლევის გეოფიზიკური მეთოდების სამსახურში გეოფიზიკური ექსპედიციის მთავარ გეოლოგად, კოლხეთის ბურღვის კანტორის დირექტორად, გეოფიზიკური ექსპედიციის უფროსად; 1970-2005 წწ. ხელმძღვანელობდა ჯერ ტრესტ, ხოლო შემდგომ "საქნავთობგეოფიზიკას"; 2005 წლიდან გარდაცვალებამდე იყო ნავთობის ეროვნული კომპანია "საქნავთობის" საექსპერტო ანალიტიკური კომისიის ექსპერტი; 1975 წელს მიენიჭა სამგორის საბადოზე პირველაღმომჩენისა და საქართველოს დამსახურებული გეოლოგის წოდება. ხელმძღვანელობდა თანამედროვე ტექნოლოგიების დანერგვას ნავთობისა და გაზის ძიებაში. არის 50-ზე მეტი სამეცნიერო ნაშრომის ავტორი. 1974 წელს დაიცვა საკანდიდატო დისერტაცია. 1988 წელს მიენიჭა გეოლოგია-მინერალოგიის მეცნიერებათა დოქტორის წოდება. მისი ხელმძღვანელობით დაცულია ექვსი დისერტაცია ნავთობისა და გაზის საბადოების ძიებისა და დამუშავების დარგში. 

წყარო: საქართველოს ენერგეტიკოსები = Georgian power engineers:ენციკლოპედია.-თბ.,2010.-გვ.257; საქართველოს ენერგეტიკოსები = Georgian power engineers.-თბ.-2016.-გვ.297

• საქართველოს ეკოლოგიურ მეცნიერებათა აკადემია, აკადემიკოსი (1997-2006)

• 2003 - ღირსების ორდენი
• 1991 - შრომის ვეტერანი
• საპატიო ნიშნის ორდენი
• ხალხთა მეგობრობის ორდენი