პავლე თოდუა

დაბადების ადგილი: ქ. სოხუმი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ფიზიკის ფაკულტეტი 1964 წელს.

 1964–1969წწ. მუშაობდა საქართველოს  მეცნიერებათა აკადადემიის კიბერნეტიკის ინსტიტუტში (ამჟამად – სტუ-ის კიბერნეტიკის ინსტიტუტი); 1969–1972წწ. სსრკ მეცნიერებათა აკადემიის პ. ლებედების სახელობის ფიზიკის ინსტიტუტში; 1973 წლიდან სსრკ სახსტანდარტის მეტროლოგიის სამეცნიერო-კვლევით ინსტიტუტში; არის ღია სააქციო საზოგადოებაბა "ზედაპირისა და ვაკუუმის შემსწავლელი სამეცნიერო-კვლევითი ცენტრის" გენერალური დირექტორი; მოსკოვის ფიზ. ტექ. ინსტიტუტის ფიზიკური და კვანტური ელექტრონიკის ფაკულტეტის დეკანი; ნანომეტროლოგიის კათედრის დამაარსებელი და გამგე; სამეცნიერო-სასწავლო ცენტრის "ნანოტექნოლოგიები" დამაარსებელი. მისი სამეცნიერო-კვლევითი მუშაობის მიმართულებაა სიგრძის ზემაღალი სიზუსტით გაზომვების თეორია და ტექნოლოგია. არის მრავალი სამეცნიერო ნაშრომისა და რამდენიმე პატენტის ავტორი. 2002 წელს მიენიჭა "რუსეთის ფედერაციის საპატიო მეტროლოგის" წოდება. ფიზიკა-მათემატიკის მეცნიერების დოქტორი (1986), პროფესორი (1990). 

წყარო: საქართველო: ენციკლოპედია: ტ. IV. -თბ., 2018. -გვ.80