ალექსანდრა გაწერელია

დაბადების ადგილი: სოფელი შუქრუთი, ჭიათურის რაიონი.

დაამთავრა იმერეთის ქალთა ეპარქიალური სასწავლებელი 1901 წელს და იმავე დღიდან ფოთის სამრევლო სასწავლებელში დაიწყო მასწავლებლობა; სცენაზე გამოვიდა 1910 წელს და მთელი 10 წელი უანგაროდ იღვწოდა სასცენო ასპარეზზე ფოთსა და ქუთაისში, უმთავრესად საყოფაცხოვრებო-რევოლუციურ რეპერტუარში. როგორც ნიჭიერი სცენისმოყვარული, ხელძღვანელობდა ანტ. ჟღენტის მიერ 1901 წელს ფოთში დაარსებულ სცენისმოყვარულთა ჯგუფს; დააარსა ფოთის დრამატული საზოგადოება, რომლის გამგეობასაც ოთხი წლის მანძილზე თავმჯდომარეობდა. ალექსანდრა გაწერელია-ჩაჩანიძეს თბილისში გადმოსვლა შესთავაზეს, მაგრამ მან ფოთში დარჩენა ისურვა. სცენისმოყვარულთა საზოგადოებამ მის საფლავზე ძეგლის დასადგმელად ფული შეაგროვა. მწერალ აკაკი გაწერელიას დედა.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.527

• ფოთის დრამატული საზოგადოება, გამგეობის თავმჯდომარე