იასონ გელოვანი

იასონ გელოვანი იყო ლეჩხუმის თავად-აზნაურობის წინამძღოლი, გლეხების დიდი მოჭირნახულე, ხალხური სიტყვიერებისა და საღმრთო წერილის კარგი მცოდნე. ზეპირად იცოდა ბიბლიის, სახარების, დავითნის, ფსალმუნის, "ვეფხისტყაოსნის", "მოურავიანის" ბევრი ადგილი; ჩახრუხაძის, შავთელის, არჩილისა და თეიმურაზ მეფის შემოქმედება. რაჭის ცნობილი მოღვაწის, დიმიტრი ყიფიანის სიტყვით, იასონ გელოვანი იყო: "მომჯადოებელი ადამიანი, უსწავლელი, მაგრამ ნასწავლთა მხიბლავი, ღარიბი, მაგრამ უმდიდრესად მოჩვენებული, რაჭა-ლეჩხუმს არ გაცილებული, მაგრამ ყველგანყოფილად მიჩნეული". საკუთარი სურვილით, გლეხობა 1905 წლამდე გაანთავისუფლა სხვადასხვა ვალდებულებისაგან. პირველი მსოფლიო ომის დროს 5 სანიტარული რაზმი შეადგინა. ქველმოქმედი, მისი შვილი იყო შამშე გელოვანი.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.558

• მაძიებელთ და ბრალმდებელთ : ქუთაისის თავად-აზნაურთა საარჩევნო კრების შესახებ (ავტორი). - ქუთაისი, სტ. ი. ხელაძისა, 1910. - 15გვ.