კირო გელოვანი

დაბადების ადგილი: სოფელი ილურთა, ახმეტის რაიონი.

1904-1905წწ. კიროს სახელით მუშაობდა რსდმპ პარტიაში, თელავის მაზრაში, როგორც აგიტატორ-პროპაგანდისტი; 1905 წლის გაზაფხულზე თელავის ციხეში იჯდა, საიდანაც 1905 წლის ოქტომბერში მანიფესტის ძალით გაათავისუფლეს. ციხიდან გამოსვლის შემდეგ, კვლავ განაგრძო რევოლუციური მუშაობა თბილისის გუბერნიაში; 1906 წელს წინანდლისა და ნაფარეულის საუფლისწულო მამულებში გაფიცვები მოაწყო, თელავში მაყაშვილებს იარაღი ჩამოართვა; იმალებოდა ივანე როსტომაშვილის ოჯახში; 1907 წლიდან არალეგალურად ცხოვრობდა; 1908 წელს შეიპყრეს და 5 წლით არხანგელსკის გუბერნიაში გადაასახლეს, 1910 წელს თბილისში გამოქცევა მოახერხა, 1911 წელს ისევ შეიპყრეს, გადასახლებული იქნა დონის როსტოვში; 1913 წელს, 102-ე მუხლის საფუძველზე ციბმირში გაიგზავნა. სასჯელი მოიხადა ირკუტსკის გუბერნიის სოფელ მანზურკაში, 1915 წლიდან ცხოვრობდა ქალაქ ჩიტაში (ხაბაროვსკი). 1916 წელს ისევ შეიპყრეს, თუმცა ვლადივოსტოკში გაქცევა მოახერხა. იყო პოლიტკატორღელთა საზოგადოების წევრი №1978. აგიტატორ-პროპაგანდისტი, რევოლუციონერი.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.560