ქაიხოსრო გელოვანი

ქაიხოსრო გელოვანი წარმოშობით იყო ლეჩხუმიდან. 1880-იანი წლებიდან თანამშრომლობდა გაზეთ "დროებაში" (1881, №134,155,169); (1886, №95, 115, 148); (1890, №111,123,124,126,152, 154, 208, 209, 229, 231, 235); "მწყემსში" (1884, №22,24; 1885,№3, 23; 1886,  №3 ) და სხვ. საჯაროდ გამოდიოდა სიტყვებით (სიტყვა, "თქმული 22 დეკემბერს 1885 წელსა სოფელს ცაგერს "ქართველთა შორის წერა-კითხვის გამავრცელებელი საზოგადოების" სასარგებლოდ გამართულ სალიტერატურო საღამოზე // "მწყემსი", 1886, №2). "დროებაში" გამოქვეყნებული ერთ წერილის გამო პასუხისგებაში მისცეს. წერდა ლექსებსაც. აქტიურად მონაწილეობდა საზოგადოებრივ საქმიანობაში, "ქართველთა შორის წერა-კითხვის გამავრცელებელი საზოგადოებისათვის"  მართავდა საღამო-წარმოდგენებს, აგროვებდა ფულად შემოწირულობებს.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.562

• ქართველთა შორის წერა-კითხვის გამავრცელებელი საზოგადოება, წევრი (1886-)

• ლექსები (ავტორი). - ტფილისი, გამოცემული ავტორის მიერ (ქართველთა წიგნის გამომცემელ ამხანაგობის სტ.)., 1896. - 38გვ.