თამაზ თოხაძე

 დაბადების ადგილი: ქ. ოზურგეთი.

 დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1951 წელს.

1951-1953წწ. მუშაობდა ქ. ვოროშილოვგრადის (უკრაინა) საავადმყოფოში ქირურგად; თბილისის სახელმწიფო სამედიცინო ინსტიტუტის ასპირანტი; თბილისის სახელმწიფო სამედიცინო ინსტიტუტის ოტორინოლარინგოლოგიის კათედრის ასისტენტი (1956); 1972-1993წწ. ამავე ინსტიტუტის ამავე კათედრის გამგე. 1971 წლიდან – თბილისის სახელმწიფო სამედიცინო ინსტიტუტის ყელ-ყურ-ცხვირის სნეულებათა კათედრის გამგე; შექმნა სმენის გამოკვლევის ორი ორიგინალური მეთოდი; იკვლევდა ხორხის კიბოს ჰისტოლოგიურ თავისებურებებს; შეისწავლა ხორხის კიბოსა და კიბოსწინარე მდგომარეობის ზოგიერთი ჰისტოქიმიური თავისებურებები, ხახის ლიმფოიდური ორგანოების მიერ ინტერფერონის გამომუშავების ფუნქცია და განსაზღვრა ამ ორგანოების როლი ანტივირუსულ იმუნიტეტში. 120-ზე მეტი ნაშრომის ავტორია, მათ შორის ორი მონოგრაფიისა და სახელმძღვანელოსი. მედიცინის მეცნიერებათა კანდიდატი (1956), მედიცინის მეცნიერებათა დოქტორი (1969), პროფესორი (1970).

წყარო: საქართველო: ენციკლოპედია: ტ. IV. -თბ., 2018.-გვ.105; მოგონებები თამაზ თოხაძეზე / შოთა ჯაფარიძე // ავერსი : ჯანმრთელი სიცოცხლე = Healty life : შემეცნებით-გასართობი სამედიცინო ჟურნალი.-თბილისი, 2016.-N 7 (135).-გვ.64–65; საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.704-705

• ოტორინოლარინგოლოგია : სახელმძღვ. სამედ. უნ-ტის სტუდენტთათვის (ავტორი). - თბილისი, განათლება, 1995. - 412გვ.. - ISBN: 5505018521
• Некоторые гистохимические особенности предрака и рака гортани и их клиническое значение (ავტორი). - Тбилиси, Мецниереба, 1969. - 178с.