ნიკო გიგაური

დაიბადა ქართლში. თბილისში ჩამოსვლის შემდეგ, 1866 წელს შეისწავლა მეჩუქურთმეობა. შექმნა ხელოვნების ბევრი ნაწარმოები. საქართველოში და კავკასიაში იგი იყო ერთ-ერთი პირველი მხატვარ-მეჩუქურთმე. 1870 წლიდან მონაწილეობდა მეფის მთავრობის წინააღმდეგ გამოსვლებში, ატარებდა კრებებსა და მიტინგებს. მისი ხელოვნების შესახებ 1877 წელს ნიკო ცხვედაძის წერილი დაიბეჭდა "ივერიაში": "დავით გიგაური, ვითარცა კარგი ხელოსანი, ხელოვნების ოსტატი, ევროპის მცოდნე ხელოსნებს შეედრება და ბევრ მათგანზედაც მაღლა დგას." 1889 წელს გამოსცა ზაქარია ჭიჭინაძის სოციალისტური შინაარსის ნარკვევი "რობერტ ოვენი კაცის ხასიათის გადამკეთებელი". ნიკო გიგაურს ჰქონდა საკუთარი საწარმო. მ. ჩოდრიშვილი წერდა: "დიდი ამაგი დასდო სტოლიართა ხელოსნობის გაუმჯობესებას და თბილისის საამხანაგო სახელოსნო "შრომას" დაარსებას." ნიკო გიგაურის მიერ შექმნილი მაცხოვრის ჯვარცმის რამდენიმე ცალი საქართველოს სხვადასხვა ეკლესიაში იყო დაცული. მეჩუქურთმე.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.594