ანტონ გლახოვი (დონ ანტონი)

ქართველი კათოლიკე, აღმოსავლურ და ევროპული ენების, ქართული მწიგნობრობის კარგი მცოდნე. რომიდან კათოლიკეთა მოძღვრად გამწესებისთანავე, 1845 წელს, ქუთაისში, შემოწირული ფულით ეკლესია და სკოლა ააშენა. მის შესახებ ზაქარია ჭიჭინაძე წერდა: "ანტონ გლახაშვილი სომეხ კათოლიკეთაგან გლახოვათ წოდებული 1850-1870  წლებს სცხოვრობდა ქუთაისში. იგი იყო რომში გაზრდილი და მასთანვე კარგად მცოდნე ქართული ენის, საქართველოს ისტორიის და ქართული მწიგნობრობის. იგივე გახლდათ დაახლოვებული მეგობარი იმერეთის ეპისკოპოსის გაბრიელ ქიქოძესი. დონ ანტონმა დაუდო საძირკველი ქუთაისში კათოლიკეთ ეკლესიის აღშენების საქმეს, ამისივე თავოსნობით დაარსდა ქართველ კათოლიკეთა სამრევლო სკოლა და "სავარდისის ძმობა" დონ ანტონი გარდაიცვალა 1870 წლებს." (ზოგ წყაროში გარდაცვალების თარიღად მითითებულია 1880 წელი).

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.603