ელგუჯა გოგლიძე

დაბადების ადგილი: სოფელი ქორთა, ონის რაიონი.

დაამთავრა საქართველოს სასოფლო-სამეურნეო ინსიტუტი (ახლანდელი აგრარული უნივერსიტეტი) სწავლული აგრონომის სპეციალობით 1956 წელს.

1957-1975წწ. მუშაობდა საქართველოს ჰიდრომეტეოროლოგიური სამსახურის სამმართველოში, საქართველოს სასოფლო-სამეურნეო ინსტიტუტში. 1963-1966წწ. ასპირანტურის კურსი გაიარა საქართველოს სასოფლო-სამეურნეო ინსტიტუტში. 1963 წლიდან მუშაობდა საქართველოს სახელმწიფო აგრარულ უნივერსიტეტში აგროეკოლოგიისა და აერომეტეოროლოგიის კათედრაზე. გამოქვეყნებული აქვს 40-ზე მეტი სამეცნიერო ნაშრომი, რომლებიც ასახავს აგროეკოლოგიის თანამედროვე პრობლემებს. სოფლის მეურნეობის მეცნიერებათა კანდიდატი, პროფესორი (1993).

საკანდიდატო დისერტაციის თემა - "საგარეუბნო ზონის მეურნეობის ხეხილის ბაღების რიგთაშორისებში ბოსტნეული კულტურების წარმოების აგრომეტეოროლოგიური დასაბუთება", დაიცვა 1968 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.85

• პრაქტიკული სახელმძღვანელო აგრომეტეოროლოგიაში : სახელმძღვ. უმაღ. სასწ. სტუდ. (ავტორი). - თბილისი, თბილ. უნ-ტის გამ-ბა, 1991. - 190გვ.. - ISBN: 5511004723