ვალერიან ითონიშვილი

დაბადებ ადგილი: სოფელი ყანობი, ახლანდელი ყაზბეგის მუნიციპალიტეტი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1953 წელს.

1957-1963წწ. მუ­შა­ობ­და სა­ქართველოს სა­ხელმწიფო მუზეუმში; 1963 წლიდან – საქართველოს მეცნიერებათა აკადემიის ივ. ჯა­ვა­ხი­­შვილის სახელობის ისტორიისა და ეთნოგრაფიის ინსტიტუტში; 1972 წლიდან არის ამავე ინსტიტუტის დირექციასთან არ­სე­ბუ­ლი სამეცნიერო საბჭოსა და სადისერტაციო საბჭოს წევრი; სადოქტორო დისერტაცია დაიცვა ­ცენტრალური კავკასიის მთიელთა საოჯახო ყოფის თემაზე, რომელშიც შესწავლილია ვეინახების (ჩაჩნებისა და ინგუშების), ოსებისა და ქართველ მთიელთა ოჯახის სტრუქტურა, საოჯახო ურთიერთობის ფორმები და ტრადიციები. 1981-2006წწ. იყო სო­ცი­ა­ლურ ურთიერთობათა შესწავლის სა­ქართველოს ეთნოგრაფიის ­განყოფილების უფროსი; ხელმძღვანელობდა ეთნოგრაფიულ ექსპედიციებს აღმოსავლეთ საქართველოს მთიანეთსა და ჩრდილოეთ კავკასიაში. გამოქვეყნებუ­ლი აქვს მრა­ვა­ლი ნა­შრო­მი.  ისტორიის მეცნიერებათა დოქტორი (1972), პროფესორი (1978).

წყარო: საქართველო: ენციკლოპედია: ტ. IV. -თბ., 2018. -გვ.224

• 2003 - ალექსანდრე ყაზბეგის სახელობის პრემია

• სიმონ ჯანაშიას ღვაწლი ქართულ ეთნოგრაფიაში (ავტორი). - თბილისი, მეცნიერება, 1991. - 184გვ.
• კავკასიის ხალხთა საოჯახო ყოფა : ისტორიოგრაფ. ნარკვევი (ავტორი). - თბილისი, მეცნიერება, 1977. - 198გვ.
• ხევის ტოპონიმიკა (ავტორი). - თბილისი, მეცნიერება, 1971. - 177გვ.
• ცენტრალური კავკასიის მთიელების საოჯახო ყოფა : ნახებისა და ოსების საოჯახო ყოფა (ავტორი) // ნაწ.1. - თბილისი, მეცნიერება, 1969. - 319გვ.
• ქართველ მთიელთა საოჯახო ურთიერთობის ისტორიიდან (ავტორი). - თბილისი, საქ. სსრ მეცნ. აკად. გამ-ბა და სტ., 1960. - 337გვ.