ციცინო დავითულიანი

დაბადების ადგილი: დაბა ჯვარი, წალენჯიხის რაიონი.

დაამთავრა აკ. წერეთლის სახელობის სახელმწიფო უნივერსიტეტი (ყოფილი ალ. წულუკიძის სახელობის პედაგოგიური ინსტიტუტი) - საექსკურსიო-ტურისტული გიდის კვალიფიკაცია 1986 წელს; 1989 წელს აკ. წერეთლის სახელობის სახელმწიფო უნივერსიტეტი - გეოგრაფიისა და ბიოლოგიის მასწავლებლის კვალიფიკაცია; 2000 წელს თბილისის სახელმწიფო უნივერსიტეტი, დოქტორანტურა - გეოგრაფიის მეცნიერებათა კანდიდატის (დოქტორთან გათანაბრებული) წოდება.

მუშაობა დაიწყო ვარციხეჰესების საშუალო სკოლაში გეოგრაფიის მასწავლებლად; 1993 წლიდან მუშობდა ქუთაისის სახელმწიფო უნივერსიტეტში გეოგრაფიის კათედრაზე; 1995-2002წწ. აკ. წერეთლის სახელობის სახელმწიფო უნივერსიტეტის გეოგრაფიის დეპარტამენტის მასწავლებელი; 2006 წლიდან - აკ. წერეთლის სახელობის სახელმწიფო უნივერსიტეტის გეოგრაფიის დეპარტამენტის ასოცირებული პროფესორი; 2014 წლიდან აკ. წერეთლის სახელობის სახელმწიფო უნივერსიტეტის გეოგრაფიის დეპარტამენტის კოორდინატორი. მის დისერტაციაში განხილულია ქვემო იმერეთის ბუნების ცალკეულ კომპონენტებზე ანთროპოგენური ზემოქმედების ფორმები და ხარისხი. 1990-2000წწ. მუშაობდა იმერეთის კულტურული ლანდშაფტების ცვლილებათა დინამიკაზე. გამოქვეყნებული აქვს 17 სამეცნიერო ნაშრომი. გეოგრაფიულ მეცნიერებათა დოქტორი.

საკანდიდატო დისერტაციის თემა - "ქვემო იმერეთის ლანდშაფტების ანთროპოგენური ტრანსფორმაცია", დაიცვა 1999 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.101; აკაკი წერეთლის სახელმწიფო უნივერსიტეტი (აწსუ): atsu.edu.ge

• ქუთაისისა და მისი მოსაზღვრე რაიონების კულტურული ლანდშაფტები და მათი დინამიკა (1995-2005 წ.წ.) (ავტორი). - ქუთაისი, აკ. წერეთლის სახელმწ. უნ-ტის გამ-ბა, 2009. - 100გვ.. - ISBN: 9789941408007
• ლანდშაფტმცოდნეობა : (სალექციო კურსი) (ავტორი). - ქუთაისი, აკ. წერეთლის უნ-ტის გამ-ბა, 2009. - 132გვ.. - ISBN: 9789941408649
• ტურიზმის გეოგრაფია : (ლექციების კურსი) (ავტორი). - ქუთაისი, აკ. წერეთლის უნ-ტის გამ-ბა, 2008. - 180გვ.. - ISBN: 9789941904349
• საქართველოს ტურისტულ-რეკრეაციული დარაიონება : (სალექციო კურსი) (ავტორი). - ქუთაისი, აკ. წერეთლის უნ-ტის გამ-ბა, 2008. - 116გვ.. - ISBN: 9789941904370