იოანე ხახულელი (ეპისკოპოსი)

X–XI სს. სასულიერო მოღვაწე, კალიგრაფი და მთარგმნელი; ბაგრატ III-ის თანამედროვე; გამოირჩეოდა მჭევრ­მეტყველებით, რის გამოც "ოქროპირი" უწოდეს; მის მიერ ­სა­ქარ­თვე­ლო­ში შესრულებული ხელნაწერი ანდერძის მიხედვით, მისი მოძღვარი იოანე გრძელის ძე ყოფილა; არაერთი წყა­რო ადასტურებს მის ხელდასხმას თავდაპირველად ბოლნისის, ხოლო შემდეგ - ხახულის ეპისკოპოსად; დაახლოებით 1019 წელს არსენ ნინოწმინდელთან ერთად ათონის მთაზე გაემგზავრა და იქვე დამკვიდრდა სამოღვაწეოდ; მკვლე­ვართა ნაწილი იოანე ხახულელს და იოანე ბოლნელს ერთსა და იმავე პიროვნებად მიიჩნევს, რადგან დიდ მსგავსებას პოულობენ მათ ცხოვრებასა და მოღვაწეობაში – ერთნაირად გამოირჩეოდნენ მჭევრმეტყველი ქადაგებებით და, ასევე, ორივენი ბაგრატ III-ის თანამედროვენი იყვნენ. სა­ქარ­თვე­ლოს სამოციქულო ეკლესიამ ღირსი იოანე ხახულელი წმინ­და­ნად შერაცხა და ხსენების დღედ 10 (23) მარტი დაადგინა.

წყარო: საქართველო: ენციკლოპედია: ტ. IV. -თბ., 2018. -გვ.325