ნინო დარჩიაშვილი

დაბადების ადგილი: ქ. თბილისი.

წარჩინებით დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი 1950 წელს.

1951 წლიდან მოღვაწეობდა თბილისის საშუალო სკოლებში გეოგრაფიის მასწავლებლად. სხვადასხვა დროს გეოგრაფიის მასწავლებლად მუშაობდა საშუალო სკოლებში: სართიჭალის, თბილისის მე-7 მუშა-ახალგაზრდობის, 126-ე საშუალო სკოლაში. 1966 წლიდან პარალელურად მუშაობდა ქალაქის მეთოდკაბინეტში გეოგრაფიის მეთოდისტად, ხოლო 1975 წლიდან მასწავლებელთა დახელოვნების ინსტიტუტში გეოგრაფიის მეთოდური ლაბორატორიის გამგედ. საშუალო სკოლებში იგი ისმენდა გეოგრაფიის მასწავლებელთა გაკვეთილებს და ეხმარებოდა მეთოდურ დახელოვნებაში და საგნის ცოდნის ამაღლებაში. ამასთან, იგი თარგმნიდა მასალებს და გაკვეთილისა და საწრეო მუშაობის გასამდიდრებლად მხარში ედგა მასწავლებლებს. აქტიურად თანამშრომლობდა და არაერთ მეთოდურ წერილებს აქვეყნებდა ჟურნალ "ისტორია, გეოგრაფია სკოლაში" და გაზეთ "სახალხო განათლებაში". უძღვებოდა აგრეთვე, ტელეგაკვეთილებს და არჩევდა მასწავლებლებს მასში მონაწილეობის მისაღებად. სისტემატურად მონაწილეობდა გეოგრაფიული საზოგადოების მიერ მოწყობილ გამსვლელ სესიებში (სვანეთი, მესხეთი, კახეთი, ქართლი, აჭარა და სხვ.), სადაც გამოდიოდა საინტერესო მოხსენებით. არის გეოგრაფიული საზოგადოების ბაზაზე მასწავლებელთა დახელოვნებნის ინსტიტუტის ნიჭიერ ბავშვთა პროგრამის საფუძველზე საკვირაო სკოლის დამფუძნებელი და ხელმძღვანელი. იგი თარგმნიდა სასკოლო სახელმძღვანელოებს. გამოქვეყნებული აქვს 100-მეტი წერილი და სტატია. მიღებული აქვს "სახალხო განათლების წარჩინებულის" სამკერდე ნიშანი (1978). 

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.104-105

• 2000 - ღირსების მედალი
• 1982 - საქართველოს დამსახურებული მასწავლებელი
• 1981 - მედალი "შრომითი მამაცობისთვის"
• 1978 - სამკერდე ნიშანი "სახალხო განათლების წარჩინებული"

• კონტინენტების და ოკეანეების გეოგრაფია : მე-7 კლ. სახელმძღვ. (ავტორი). - თბილისი, დია, 2004. - 272გვ.. - ISBN: 99928-42-78-4
• კონტინენტების გეოგრაფია : სახელმძღვ. ძირითადი სკოლის მე-7 კლასისათვის (ავტორი). - თბილისი, დია, 2003. - 296გვ.. - ISBN: 99928-42-84-9
• სამშობლო : მე-4 კლასის სახელმძღვანელო (თანაავტორი). - თბილისი, დია, 2001. - 112გვ. . - ISBN: 99928-42-12-1
• სამუშაო რვეული ფიზიკურ გეოგრაფიაში 6 [კლ.] (თანაავტორი). - თბილისი, დია, 1999. - 71გვ.
• ბუნების კარი : სახელმძღვ. მე-2 კლასის მასწავლებელთათვის II ნაწილი (ავტორი). - თბილისი, განათლ. სამ. სტ., 1991. - 89გვ.