მანანა კაკაბაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1961 წელს.

1965-2011წწ. მუ­შა­ობ­და ქარ­თული ლიტერატურის ინსტიტუტში წამყვან მეცნიერ თანამშრომლად; პირველი პუბლიკაცია "დავით აღმაშენებლისა და დემეტრე მეფის ლირიკა" გამოაქვეყნა 1962 (ჟურნ. მნათობი, N4); მისი კვლევის სფერო ძირითადად ქარ­თული რომანტიზმია, მისი წარმოშობა და ეროვნული საფუძვლები, რომელსაც მკვლევარმა არაერთი ნაშრომი მიუძღვნა: "რომანტიზმის გმირის საკითხი ნ. ბარათა­შვი­ლის პოეზიაში" (კრებული "ნიკოლოზ ბარათა­შვი­ლი", 1968), "ალექსანდრე ჭავჭავაძე და რუსოისტული განწყობილებანი" (კრებული "ალექსანდრე ჭავჭავაძე", 1986), «ქარ­თული რომანტიზმის ისტორიიდან. "ბედი ­ქარ­თლისა", მისი რომანტიზმი და რეალიზმი» («ლიტერატურული ძიებანი», 1987) და სხვ. კ. იკვლევს თავისი მამის, პ. კაკაბაძის, ცხოვრებასა და შემოქმედებას, გამოქვეყნებული აქვს პუბ­ლიკაციები: «პოლიკარპე კა­კაბაძის არქივიდან, მასალები ტრაგედიისათვის "ვახტანგ გორგასალი"» (ჟურნ. "დრამატურგია", 1989), «რევოლუციის ლიდერის სახე "ყვარყვარე თუთაბერისა" და "ლისაბონის ტუსაღების" მიხედვით» (ჟურნ. "თეატრი და ცხოვრება", 1994) და სხვა. ფი­ლოლოგიის მეცნიერებათა დოქტორი (1983), პროფესორი (1989).

წყარო: საქართველო: ენციკლოპედია: ტ. IV. -თბ., 2018.-გვ. 472

• ქართული რომანტიზმის ეროვნული საფუძვლები (ავტორი). - თბილისი, მეცნიერება, 1983. - 245გვ.