ფელიქს კალანდარიშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტი 1971 წელს.

1972-1975წწ. სამეცნიერო კვლევა დაიწყო მოსკოვის კოლცოვის სახელობის ბიოლოგიის განვითარების ინსტიტუტის ბიოქიმიის განყოფილებაში აკადემიკოს ი. ზბარსკის ­ხელმძღვანელობით; 1975 წლიდან იყო ი. ბერი­ტა­შვი­ლის სახელობის ფიზიოლოგიის ინსტიტუტის ნეიროქიმიური ლა­ბო­რა­ტო­რიის თანამშრომელი, ქცევის გენეტიკის მიმართულების ჩამომყალიბებელი და ლაბორატორიის გამგე (2000-2006), დირექტორის მო­ად­გილე (1986-1991; 2000-2005). გაიარა დოქტორანტურა უეიკ-ფორესტის უნივერსიტეტში (ჩრდ. კაროლინა, აშშ, 1992–93), ორგანიზატორი ფორუმისა "კულტურათა დიალოგი" (UNEშჩO); 1996– 2002წწ. აღმოსავლეთისა და დასავლეთის ურთიერთობების ცენტრის გენერალური დირექტორი; 2005 წლიდან  სა­ქართველოს მეცნიერებათა ეროვნული აკადემიის პრეზიდენტის თა­ნაშემ­წე, მო­ად­გი­ლე (2007-2013); 2013 წლიდან ადმინისტრაციის აპარატის უფროსი; მისი სამეცნიერო კვლევის სფეროა ქცევის გენეტიკური და ნეიროფიზიოლოგიური ასპექტები სტრესის პირობებში; დნმ-ის რეპლიკაცია და რეპარაცია, უჯრედის ბირთვის ბიოქიმია; მან დაადგინა ვირთაგვას ღვიძლის დაბერებულ უჯრედებში დნმ-ის ­რაოდენობის, რეპლიკაციისა და რეპარაციის სი­ჩქარეების შემცირება; გამოიყვა­ნა ვირთაგვების ხაზი, რომელთაც გააჩნდათ გენეტიკურად დეტერმი­ნირებული ქცევის აშლილობა ინფორმაციული სტრესის პირობებ­ში; აღმოაჩინა, რომ ვირთაგვას ღვიძლის უჯრედის ბირთვის ენერგეტიკული უზრუნველყოფა ხორ­ციელდება ატფ-ით ­წარ­მო­ქმნილ ამფ-ის და მაკროერგული ფოსფატებისგან. არის მრავალი სამეცნიერო ნაშრომის ავტორი.  ბიოქიმიკოსი, ბიოლოგიის მეცნიერებათა დოქტორი (1999), პროფესორი (2002).

წყარო: საქართველო: ენციკლოპედია: ტ. IV. -თბ., 2018.-გვ. 486

• 2003 - ღირსების ორდენი