ვლადიმერ კალანდაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის მექანიკის ფაკულტეტი 1951 წელს.

1958 წლიდან მუ­შა­ობ­და სა­ქართველოს მეცნიერებათა აკადემიის გ. წულუკიძის სახელობის სამთო მექანიკის ინსტიტუტში სხვა­და­სხვა თანამდებობაზე; 1958-1960წწ. ინსტიტუტის სწავლული მდივანი; მისი მო­ნა­წი­ლე­ო­ბით სა­ქარ­თვე­ლო­ში, მსოფლიოში პირველად, ტყვარჩელის ერთ-ერთ შახტზე გამოიცადა და და­ი­ნერ­გა მიწისქვეშა სამგზავრო კიდული ბაგირგზა, რომელსაც შემდგომში ხშირად იყენებდნენ სა­ქარ­თვე­ლოსა და მის ფარგლებს გარეთ; მისი გამოცდილება გაიზიარეს რუსეთისა და უკრაინის სხვადა­სხვა შახტებში; მისი სამეცნიერო მოღვაწეობის მიმართულება შეეხებოდა სამგზავრო ბაგირგზების გამტარუნარიანობის გაზრდას, საიმედოობის ამაღლებასა და ექსპლუატაციის უსაფრთხოებას; ის ითვლება სამგზავრო ბაგირგზების მდგრადობის თეორიისა და ბაგირგზების დეფექტოსკოპი­ის ერთ-ერთ ფუძემდებლად; მისი ხელმძღვანელობით შეიქმნა და და­ი­ნერ­გა ბაგირგზებისათვის ინდუქციური კავშირისა და სიგნალიზაციის ორიგინალური აპარატურა, ფოლადის ბაგირებისა და ფოლადის მილების გაუმჯობესებული კონსტრუქციის დეფექტოსკოპები, ბაგირგზის მზიდი ბაგირის ­ბერკეტულ-ზამბარიანი დამ­ჭიმავი მოწყობილობები და სხვა; 1939-1945წწ. იყო II მსოფლიო ომის  მონაწილე; უშუალოდ მო­ნაწი­ლეობდა ბერლინის აღებაში. მიღებული აქვს 18 საბრძოლო ორდენი და მედლები; ავტორია 25 გამოგონებისა და მრავალი სამეცნიერო ნაშრომის; სამთო ინჟინერი, ტექნიკის მეცნიერებათა დოქტორი (1975), საბაგირო ტრანსპორტის ფუძემდებელი სა­ქარ­თვე­ლო­ში. 

წყარო: საქართველო: ენციკლოპედია: ტ. IV. -თბ., 2018.-გვ. 489

• Колебания вагонов подвесных канатных дорог (ავტორი). - Тбилиси, Мецниереба, 1973. - 110с.
• Методы дефектоскопии стальных канатов (თანაავტორი). - Тбилиси, 1970. - 14с.