კარპეზ კაპანაძე

დაბადების ადგილი: სოფელი კორბოული, ახლანდელი საჩხერის მუნიციპალიტეტი.

დაამთავრა სა­ქართველოს ზოოტექნიკურ-სავეტერინარო ინსტიტუტი 1943 წელს.

1958-1959წწ. იყო სა­ქართველოს მეცხოველეობისა და ვეტერინარიის სამეცნიერო-კვლევითი ინსტიტუტის დირექტორი; 1962-1990წწ. სა­ქართველოს ზოოტექნიკურ-სავეტერინარო სასწავლო-სამეცნიერო ინსტიტუტის პრორექტორის მო­ად­გი­ლე ვეტერინარიის დარგში; 1990 წლიდან ამავე ინსტიტუტის მეცნიერი თანამშრომელი. შეისწავლა სა­ქარ­თვე­ლო­ში ვეტერინარული ისტორიის პრობლემები, დაამუშავა ვეტერინარული ლექსიკოგრაფიის, ტერმინოლოგიისა და ორთოგრაფიის საკითხები; ავტორია ვეტერინარული დამხმარე სახელმძღვანელოსი, ასევე მონოგრაფიული ნაშრომების; მან პირველმა განაზოგადა მსოფლიო სავეტერინარო კონგრესების ისტორიის მასალები. 1979 წელს მონაწილეობდა მოსკოვში გამართულ XXI მსოფლიო სავეტერინარო კონგრესის მუშაობაში; იყო ქართული ენციკლოპედიის სამეცნიერო-საკონსულტაციო საბჭოს წევრი და ვეტერინარიის სექციის ხელმძღვანელი. მიღებული აქვს სა­ხელმწიფო და საბრძოლო ჯილდოები; ვეტერინარიის მეცნიერებათა დოქტორი (1968), პროფესორი (1995).

წყარო: საქართველო: ენციკლოპედია: ტ. IV. -თბ., 2018.-გვ. 526; წიგნი ღირსებისა: ტ. 5 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.19

• სა­ქართველოს ეროვნული აკადემია, აკადემიკოსი (1997-)

• 2000 - ღირსების ორდენი

• რუსულ-ლათინურ-ინგლისურ-ქართული სავეტერინარო ლექსიკონი : 8000-მდე ძირითად ტერმინი (თანაავტორი). - თბილისი, შპს "ხატულა", 2007. - 426 გვ.. - ISBN: 9789994069644
• ღვაწლმოსილი მეცნიერები (ავტორი). - თბილისი, 2003. - 172გვ.
• ვეტერინარიის ფუძემდებლები საქართველოში და მათი მომდევნო თაობა (ავტორი). - თბილისი, 1997. - 277გვ.
• ბრუცელოზი და მასთან ბრძოლა (ავტორი). - თბილისი, 1981. - 32გვ.