ავთო კიკაბიძე

დაბადების ადგილი: ქ. სენაკი.

დაამთავრა საქართველოს სასოფლო-სამეურნეო ინსტიტუტის ჰიდრომელიორაციის ფაკულტეტი ინჟინერ-ჰიდროტექნიკოსის კვალიფიკაციით 1978 წელს.

მუშაობა დაიწყო ტრესტ "კოლხეთმშენის" N5 მოძრავ-მექანიზირებულ კოლონაში ოსტატად, სამუშაოთა მწარმოებლად; 1981 წლიდან მუშაობს მელიორაციისა და წყალთა მეურნეობის სამინისტროში, სასოფლო-სამეურნეო წარმოების სახელმწიფო კომიტეტში, "საქაგრომრეწვში", სპეციალურ საპროექტო ბიუროში, "საქწყალექსპლოატაციაში" სხვადასხვა თანამდებობებზე. გამოქვეყნებული აქვს რიგი სამეცნიერო ნაშრომი, რომლებშიც დამუშავებულია სასურსათო ფონდის შევსების მიზნით - სახალხო მეურნეობისათვის ერთ-ერთი უმნიშვნელოვანესი საკითხის - ნიადაგის რწყვის რეჟიმისა და მელიორაციასთან დაკავშირებული საკითხები. არის აღმოსავლური ორთაბრძოლების (კარატე) ინსტრუქტორი (შავი ქამარი, მეორე "დანი"). გეოგრაფიულ მეცნიერებათა კანდიდატი.

საკანდიდატო დისერტაციის თემა - "ნიადაგის წყლის ბალანსი და შაქრის ჭარხლის რწყვის რეჟიმი შიდა ქართლის პირობებში", დაიცვა 1989 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.150-151

• სასურსათო პროგრამა, წყალი და მოსავალი. (ავტორი). - თბილისი, განათლება, 1986. - 227გვ.