არჩილ კილასონია

დაბადების ადილი: ქ. ქუთაისი.

1938-1941წწ. სწავლობდა საქართველოს პოლიტექნიკურ ინსტიტუტში, საიდანაც მეოთხე კურსის სტუდენტი გაიწვიეს წითელი არმიის რიგებში. 1942 წელს დაამთავრა თელავის საზენიტო არტილერიის სამხედრო სასწავლებელი.

ომის დროს იბრძოდა უკრაინის I და II და ბელორუსიის I ფრონტზე ჯერ ოცეულის, შემდეგ ბატარეის მეთაურის თანამდებობებზე. მას მინიჭებული ჰქონდა პოლკოვნიკის სამხედრო წოდება. 1959 წელს დაუსწრებლად დაამთავრა საქართველოს პოლიტექნიკური ინსტიტუტის სამშენებლო ფაკულტეტი. მუშაობდა ენერგეტიკის სამეცნიერო-კვლევით ინსტიტუტში ინჟინრად; 1971 წლიდან მუშაობდა თბილისის სახელმწიფო უნივერსიტეტის გეოგრაფია-გეოლოგიის ფაკულტეტის ხმელეთის ჰიდროლოგიისა და ნიადაგთმცოდნეობის კათედრაზე ჯერ უფროს მასწავლებლად, ხოლო 1972 წლიდან კათედრის დოცენტად. გამოქვეყნებული აქვს 50-მდე სამეცნიერო ნაშრომი, მათ შორის, 2 მონოგრაფია. ტექნიკურ მეცნიერებათა კანდიდატი, დოცენტი (1976).

საკანდიდატო დისერტაციის თემა - "წყალსაცავთა მრავალწლიური რეგულიერების გაანგარიშების საკითხისათვის მონტე-კარლოს მეთოდით", დაიცვა 1970 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.155-156