მანანა კასრაძე-დამერი

დაბადების ადგილი: ქ. თბილისი.

დაამთავრა მოსკოვის მ. ლომონოსოვის სახელობის სა­ხელმწიფო უნივერსიტეტის ფიზიკის ფაკულტეტი მყარი სხეულების ფიზიკის სპეციალობით 1980 წელს.

1981 წლიდან ას­წავლი­და ფიზიკას ჩელიაბინსკის (რუსეთი) სხვა­და­სხვა საშუალო სკოლაში; 1988 წლიდან მუშაობს ჩელიაბინსკის პედაგოგიური ინსტიტუტის ფიზიკა-მათემატიკის ფაკულტეტზე; ხელმ­ძღვანელობს დოქტორანტურას, ას­პირანტურას და სამაგისტრო პროგრამებს; არის ­დოქტორის სამეცნიერო ხარისხის მიმნიჭებელი სამეცნიერო საბჭოს თავმჯდომარე; იკვლევს ფიზიკის სწავლების ასპექტებს (ცნებათა ფორმირება, სასწავლო უნარ-ჩვევების გამომუშავება, სწავლების ტექნოლოგიების გამართვა), უმაღლესი განათლების საკითხებს; 1994 წლიდან ხელმძღვანელობს ფართომასშტაბიან პედაგოგიურ ექსპერიმენტს სკოლაში ფიზიკის წინმსწრები სწავლების დასანერგად, დაამუშავა და შექმნა ფიზიკის სახელმძღვანელოები მე-5–6 კლასებისთვის, რომლებიც დაი­ნერგა რუსეთის სკოლებში; არის მრავალი სასწავლო კურსის ავტორი; 1994 წლიდან ფიზიკის სწავლების მეთოდიკაში ჩატარებული რუსეთის სტუდენტების ოლიმპიადების ორგანიზატორი და ჟიურის თავმჯდომარე; არის ქარ­თულ ენაზე შექმნილი ფიზიკის სახელმძღვანელოების ერთ-ერთი ავტორი. გამოქვეყნებული აქვს 10 მონოგრაფია და 200-ზე მეტი სამეცნიერო სტატია; მიღებული აქვს პატენტი დიდი ჰადრონუ­ლი კოლაიდერის სასწავლო მოდე­ლის შე­ქმნისთვის. თანაავტორებთან ერთად გამოცემული აქვს ფიზიკის სახელმ­ძღვანელოები ქართული ­ზოგადსაგანმანათლებლო სკოლების მე-7, მე-8 და მე-9 კლასებისთვის (1998–2006); მიღებული აქვს რუსეთის განათლების აკადემიის ჯილდოები. პედაგოგიურ მეცნიერებათა დოქტორი (1996), პროფესორი (1997).

წყარო: საქართველო: ენციკლოპედია: ტ. IV. -თბ., 2018.-გვ. 567

• საქართველოს განათლების აკადემია , ნამდვილი წევრი (1998-)

• ფიზიკა : მე-9 კლასის სახელმძღვანელო (თანაავტორი) // ნაწ.2. - თბილისი, ინტელექტი, 2000. - 131 გვ.. - ISBN: 99928-67-77-9
• ფიზიკა : მე-9 კლასის სახელმძღვანელო (თანაავტორი) // ნაწ.1 . - თბილისი, ინტელექტი, 2000. - 160გვ.. - ISBN: 99928-67-34-5
• ფიზიკა : მე-7 კლასის სახელმძღვანელო (თანაავტორი). - თბილისი, ინტელექტი, 2000. - 144 გვ.. - ISBN: 99928-67-22-1
• ფიზიკა : მე-8 კლასის სახელმძღვანელო (თანაავტორი). - თბილისი, ინტელექტი, 1999. - 160გვ.. - ISBN: 9992867-85-X