იოსებ კახიანი

დაბადების ადგილი: სოფელი მულახი, ახლანდელი ­მესტი­ის მუნიციპალიტეტი.

ალპინიზმის უფროსი ინსტრუქტორ-მეთოდისტი (1958); 14 წლის ასაკში გ. ზურებიანთან ერთად მონაწილეობა მიიღო დაღუპული უკრაინელი ალპინისტების მთიდან ჩამოსვენებაში (1935); 1939-1945წწ. II მსოფლიო ომის მონაწილე, უფროსი სერჟანტი. გასული საუკუნის 50-60 წლებში მრავალი რთული ასვლის მონაწილე კავკასიონსა და პამირზე; მთამსვლელობაში სსრკ ჩემპიონატების სამგზის ოქროს (სტალინის პიკი – 1955, ვოროშილოვის პიკი – 1959, ტაჯიკისტანის პიკი – 1966), ორგზის ვერცხლისა (ლენინის პიკი – 1960, შუროვსკის პიკი – 1962) და ორგზის ბრინჯაოს (1957, მ. ხერგიანთან ერთად გაიარა რთული და სახიფათო მარშრუტი მთა დონღუზორუნის ჩრდილო-დასავლეთ კედელზე, 1958 – ტუტუბაში) მედლის მფლობელი; მყინვარი ტერსკოლი, ­ყაბარდო-ბალყარეთი – 1992; მწვერვალ იალბუზთან სამთოსამაშველო სამსახურის ერთ-ერთი ორგანიზატორი. აღზრდილი ჰყავს ასობით ალპი­ნისტი, მათ შორის ათობით სპორტის ოსტატი და სსრკ ჩემპიონი; ინგლისში მ. ხერგიანთან ერთად მიენიჭა "კლდის ვეფხვის" წოდება (1960). მის პატივსაცემად ერთ-ერთ მთის მწვერვალს (3367 მ) იალბუზთან მისი სა­ხე­ლი ეწოდა. მთამსვ­ლე­ლი, მეკლდეური, ­პრო­ფესიონალი მწვრთნელი ალპინიზმში.

წყარო: საქართველო: ენციკლოპედია: ტ. IV. -თბ., 2018.-გვ. 600

• 1967 - რუსეთის ფედერაციის დამსახურებული მწვრთნელი
• 1961 - სსრკ სპორტის დამსახურებული ოსტატი
• სამამულო ომის მედალი
• სამამულო ომის ორდენი
  მამაცობისთვის