ნინო დგებუაძე

დაამთავრა თბილისის სახელმწიფო უნივერსიტეტის აგრონომიის ფაკულტეტი.

1929 წლიდან მუშაობდა მახარაძის რაიონის ჩაის ცენტრალურ სადგურში ლაბორანტად და თბილისის ბოტანიკურ ბაღში ასისტენტად. 1933 წლიდან იყო  ჩაისა და სუბტროპიკული კულტურების საკავშირო სამეცნიერო-კვლევითი ინსტიტუტის ზუგდიდის ფილიალის მეცნიერ-მუშაკი, 1936 წლიდან უფროსი მეცნიერ-მუშაკი. ატარებდა მნიშვნელოვან კვლევებს ჩაის კულტურის სასუქების მიმართულებით, რაც გამოყენებულ იქნა აგროპრაქტიკაში და ხელს უწყობდა ჩაის ფოთლის მოსავლიანობის ზრდასა და ხარისხს. 1940 წელს მონაწილეობა მიიღო საკავშირო სასოფლო-სამეურნეო გამოფენაზე. 1948 წელს დაიცვა დისერტაცია სოფლის მეურნეობის მეცნიერებათა კანდიდატის ხარისხის მოსაპოვებლად. რამდენჯერმე იყო არჩეული ზუგდიდის საქალაქო საბჭოს დეპუტატად. სუბტროპიკოსი, აგრონომი.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.845

• სსრკ უმაღლესი საბჭო, დეპუტატი (1950-)

• მედალი "კავკასიის დაცვისთვის"
• მედალი "1941-1945 წლებში დიდ სამამულო ომში მამაცური შრომისთვის"