დავით დევიძე

დაბადების ადგილი: დიდი ჯიხაიში, ხონის რაიონი.

დაამთავრა ქუთაისის სასულიერო სასწავლებელი.

1881 წელს ხონის სამასწავლებლო სემინარიაში მოიპოვა დაწყებითი სკოლის მასწავლებლის წოდება და მასწავლებლად გამწესდა რაჭაში. 1882 წელს მუშაობდა სოფელ სვირში, 1884 წელს სოფელ დიდ ჯიხაიშში. 1905 წლიდან იყო ქუთაისის ვაჟთა გიმნაზიაში აღმზრდელის თანაშემწე. 1921 წელს დაბრუნდა დიდ ჯიხაიშში და ამ სოფლის სამწლიანი სკოლა მისი მონდომებით ხუთწლიან სასწავლებლად გადაკეთდა. 1896 წელს გახსნა ქალთა დაწყებითი სკოლა აბრეშუმსაქსოვი განყოფილებით. 1901 წელს ხელმძღვანელობდა ქსენონის (სახლი ავადმყოფთათვის) გახსნას, დაარსა სასოფლო ბანკი, წიგნთსაცავი, სამკითხველო და სხვ. დიდ მონაწილეობას იღებდა ადგილობრივ სოფლებში სასკოლო მშენებლობებსა და ფოსტა-ტელეგრაფის განყოფილების გახსნაში.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.848

• საქართველოს დამსახურებული მასწავლებელი