
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ნოდარ კეკელიძე

Date of birth:	15 April, 1930
Date of death:	24 December, 2019 (at 89 years)
Category:	Scientist, Educator, Physicist

Biography

დაბადების ადგილი: სოფელი ჩოხატაური, ახლანდელი დაბა, ჩოხატაურის მუნიციპალიტეტის ცენტრი.

დაამთავრა თბილისის სახელმწიფო უნივერსიტეტის ფიზიკის ფაკულტეტი 1955 წელს.

1961 წლიდან მუშაობს თბილისის სახელმწიფო უნივერსიტეტში სხვადასხვა ლაბორატორიისა და კათედრის ხელმძღვანელად;1984-1985წწ. იყო თბილისის სახელმწიფო უნივერსიტეტის სამეცნიერო ნაწილის გამგე; 1985-1993წწ. პრორექტორი საბუნებისმეტყველო მეცნიერების დარგში; თანამშრომლობდა სოხუმის ი. ვეკუას ფიზიკა-ტექნიკის უნივერსიტეტთან, ფ. თავაძის სახელობის მეტალურგიისა და მასალათმცოდნეობის ინსტიტუტთან და სხვა სამეცნიერო ცენტრებთან; 2009 წლიდან იყო თბილისის სახელმწიფო უნივერსიტეტის ნივთიერებათა კვლევის სამეცნიერო-კვლევითი ინსტიტუტის დირექტორი; მისი კვლევის ძირითადი სფეროა ნახევარგამტარებისა და მყარი სხეულების ფიზიკა, ტექნოლოგია, ელექტრონიკა, მასალათმცოდნეობა, რადიაციული ფიზიკა, ფიზიკის მეთოდები ეკოლოგიაში. მის მიერ აღმოჩენილია მესრის ორმოდიანი რხევის მოვლენა InP-InAS მყარ ხსნარებში, რომლებიც გამოიყენება მიკრო და ოპტოელექტრონიკაში; მონაწილეობდა მრავალ საერთაშორისო სამეცნიერო ფორუმში. მიღებული აქვს სსრკ სახალხო მეურნეობის მიღწევათა გამოფენის უმაღლესი ჯილდო – საპატიო სიგელით, ვერცხლისა და ბრინჯაოს მედლებით (1975, 1976, 1985), ლაიფციგის გამოფენის ოქროს მედალი და დიპლომი (1977), საქართველოს უმაღლესი განათლების რესპუბლიკური პრემია (1983), საქართველოს სათბობ-ენერგეტიკის სამინისტროს პრემია (1996), საქართველოს პრეზიდენტის მადლობის წერილი (2000). არის 9 მონოგრაფიისა და 300-მდე სამეცნიერო პუბლიკაციის ავტორი. ფიზიკა-მათემატიკის მეცნიერებათა დოქტორი (1977), პროფესორი (1984).

წყარო: საქართველო: ენციკლოპედია: ტ. IV. -თბ., 2018.-გვ. 616; ნოდარ კეკელიძის სახელობის თბილისის სახელმწიფო უნივერსიტეტის მასალათმცოდნეობის ინსტიტუტი: mritsu.ge; საქართველოს მეცნიერებათა ეროვნული აკადემიის უწყებები: science.org.ge; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.345; ნოდარ კეკელიძის სახელობის თბილისის სახელმწიფო უნივერსიტეტის მასალათმცოდნეობის ინსტიტუტი: mritsu.ge

Member of Organizations

საქართველოს მეცნიერებათა ეროვნული აკადემია, აკადემიკოსი (2018-2019)

Awards and Honors

2013 - ღირსების ორდენი
2000 - ივანე ჯავახიშვილის სახელობის მედალი
1999 - ღირსების ორდენი
სტუდენტი ახალგაზრდობის აღზრდა-განათლებაში შეტანილი პირადი დიდ წვლილისათვის, ნაყოფიერი სამეცნიერო და პედაგოგიური მოღვაწეობისათვის
1990 - პეტრე მელიქიშვილის სახელობის პრემია
1985 - საქართველოს მეცნიერებათა დამსახურებული მოღვაწე
1970 - მედალი "შრომითი მამაცობისთვის"

Bibliography

ელექტრონების ძვრადობის დაბალტემპერატურული ანომალია კომპენსირებული გერმანიუმის და სილიციუმის მონოკრისტალებში (Co-Author). - თბილისი, უნივერსალი, 2006. - 87გვ.. - ISBN: 99940-61-80-1
ფოტოელემენტები და მათი გამოყენება (Author). - თბილისი, საბჭ. საქართველო, 1964. - 32გვ.